Ho Naib-e-Sarwar-e-Do Aalam, Imam-e-Aazam Abu Hanifa

Ho naib-e-sarwar-e-do aalam, Imam-e-Aazam Abu Hanifa Siraj-e-ummat faqih-e-afkham, Imam-e-Aazam Abu Hanifa Hai naam Noman ibn-e-Sabit, Abu Hanifa hai un ki kuniyat Pukarta hai yeh keh ke aalam, Imam-e-Aazam Abu Hanifa Jo be-misal aap ka hai taqwa, to be-misal aap ka hai fatwa Hain ilm-o-taqwa ke aap sangam, Imam-e-Aazam Abu Hanifa Gunah ke daldal mein phans gaya hoon, gale gale tak main dhans gaya hoon Nikalo mujh ko baraye Adam, Imam-e-Aazam Abu Hanifa Hasad ki bimari badh chali hai, ladayi aapas mein than gayi hai Shah-e-musalman hoon munazzam, Imam-e-Aazam Abu Hanifa Diyar-e-Baghdad mein bula kar, mazar apna dikha jahan par Hain noor ki barishein chham chham, Imam-e-Aazam Abu Hanifa Ata ho khauf-e-Khuda khudaya, do ulfat-e-Mustafa khudaya Karoon amal sunnaton pe har dam, Imam-e-Aazam Abu Hanifa Hai dhoom charon taraf sakhi ki, bhari hai jholi har ik gada ki Ata ho mujh ko bhi Taiba ka gham, Imam-e-Aazam Abu Hanifa Tumhare darbar ka gada hoon, main sail-e-ishq-e-Mustafa hoon Karam paye Shah-e-Ghaus-e-Aazam, Imam-e-Aazam Abu Hanifa Fuzool goi ki nikle aadat, ho door be-ja hansi ki khaslat Darood padhta rahoon main har dam, Imam-e-Aazam Abu Hanifa Bala ka pehra laga hua hai, museebaton mein ghira hua hai Tera muqallid Imam-e-Aazam, Imam-e-Aazam Abu Hanifa Shahan adu ka sitam hai paiham, madad ko aao Imam-e-Aazam Siwa tumhare hai kaun hamdam, Imam-e-Aazam Abu Hanifa Na jeete ji mujh pe aaye aafat main qabr mein bhi rahoon salamat Baroz-e-mahshar bhi rakhna be-gham, Imam-e-Aazam Abu Hanifa Maroon shaha zer-e-sabz gunbad, ho madfan Aaqa Baqi-e-Gharqad Karam baraye Rasool-e-Akram, Imam-e-Aazam Abu Hanifa Hui shaha fard-e-jurm aaid, bacha phansa hai tera muqallid Farishte le chale jahannam, Imam-e-Aazam Abu Hanifa Jigar bhi zakhmi hai dil bhi ghayal, hazar fikrein hain sau masail Dukhon ka Attar ko do marham, Imam-e-Aazam Abu Hanifa