Hum Khak Hain Aur Khak Hi Mawa Hai Hamara

Hum khak hain aur khak hi mawa hai hamara Khaki toh woh Adam jadd-e-aala hai hamara Allah hamein khak kare apni talab mein Yeh khak toh Sarkar se tamgha hai hamara Jis khak pe rakhte thay qadam Sayyid-e-Alam Us khak pe qurban dil-e-sheeda hai hamara Kham ho gayi pusht-e-falak is ta'n-e-zameen se Sun hum pe Madina hai woh rutba hai hamara Us ne laqab-e-khak Shehanshah se paya Jo Haider-e-Karrar ke Maula hai hamara Ae mudda'iyo! Khak ko tum khak na samjho Is khak mein madfoon Sheh-e-Batha hai hamara Hai khak se tameer-e-mazar-e-sheh-e-konain Ma'moor isi khak se Qibla hai hamara Hum khak urayenge jo woh khak na payi Aabad Raza jis pe Madina hai hamara