Hum ne taqseer ki aadat karli
Aap apne pe qayamat karli
Main chala hi tha mujhe rok liya
Mere Allah ne rahmat karli
Zikr-e-Shah sun ke hue bazm mein mahw
Hum ne jalwat mein bhi khalwat karli
Nar-e-dozakh se bachaya mujh ko
Mere pyare badi rahmat karli
Baal beeka na hua phir us ka
Aap ne jis ki himayat karli
Rakh diya sar qadam-e-janan par
Apne bachne ki yeh surat karli
Ne'matein hum ko khilayein aur Aap
Jo ki roti pe qana'at karli
Is se firdous ki surat poocho
Jis ne Taiba ki ziarat karli
Shaan-e-rahmat ke tasadduq ja'oon
Mujh se aasi ki himayat karli
Faaqa maston ko shikam seer kiya
Aap faaqa pe qana'at karli
Ae Hassan kaam ka kuch kaam kiya
Ya yun hi khatm pe rukhsat karli
Lutf ki barish hai sab shadab hain
Abr-e-jood-e-Shah-e-Alamgir hai
Mujrimo unki qadam par lot jao
Bas rihayi ki yahi tadbeer hai
Yad-e-mushkil kushayi kijiye
Banda-e-dar be-dil-o-dilgeer hai
Woh sarapa lutf hain shan-e-Khuda
Woh sarapa noor ki tasveer hai
Kan hain kan-e-karam jaan-e-karam
Aankh hai ya chashma-e-tanveer hai
Jane wale chal diye hum reh gaye
Apni apni ae Hasan taqdeer hai