Izn-e-Taiba mujhe Sarkar-e-Madina de do
Le chale mujh ko jo Taiba woh safina de do
Yad-e-Taiba mein tarapne ka qareena de do
Chashm-e-tar soz-e-jigar Shah-e-Madina de do
Phook de jo meri khushiyon ka nasheman Aqa
Chaak-e-dil chaak-e-jigar sozish-e-seena de do
Chaar yaron ka tumhein wasta deta hoon shaha!
Apna gham mujh ko Shehanshah-e-Madina de do
Waqt-e-aakhir hai chali jaan-e-Rasool-e-Akram
Ek jhalak ae mere Sultan-e-Madina de do
Sadqa shehzadi-e-Kounain ka qadmon mein maut
Mujh ko de do mere Sultan-e-Madina de do
Kasrat-e-maal ki aafat se bacha Aqa
Apne Attar ko ulfat ka khazeena de do