Jab Talak Yeh Chand Tare Jhilmilate Jayenge

Jab talak yeh chand tare jhilmilate jayenge Tab talak Jashn-e-wiladat hum manate jayenge Un ke ashiq noor ki sham'ein jalate jayenge Jabke hasid dil jalate sipatate jayenge Naat-e-Mahboob-e-Khuda sunte sunate jayenge Ya Rasool Allah ka naara lagate jayenge Hashr tak Jashn-e-wiladat hum manate jayenge Marhaba ki dhoom yaro! hum machate jayenge Char janib hum diye ghee ke jalate jayenge Ghar to ghar sare mohalle ko sajate jayenge (Mazkoora ”ghee ke diye jalana“ muhawara hai is ke ma'ani hain: ”bohat zyada khushi manana“) (Ho sake to naat khwan sahiban wazahat farmaya karein) Hum mah-e-milad mein lehrate jayenge jhande hare Sari galiyan roshni se jagmagate jayenge Eid-e-Milad-un-Nabi ki shab charaghan kar ke hum Qabr-e-Noor-e-Mustafa se jagmagate jayenge Hum juloos-e-Jashn-e-Milad-un-Nabi mein jhoom kar Raste bhar naat bas sunte sunate jayenge Lakh shetan hum ko roke fazl-e-Rabb se ta abad Jashn, Aaqa ki wiladat ka manate jayenge Jhoom kar sare kaho, Aaqa ki aamad marhaba Hashr mein bhi hum yehi naara lagate jayenge Ya Rasool Allah ka naara laga zor se Un ke dushman munh phulate burburate jayenge Tum karo jashn-e-wiladat ki khushi mein roshni Woh tumhari gor-e-teerah jagmagate jayenge Do jahan ke shah ki shahi sawari aa gayi Rehmaton ke woh khazane ab lutate jayenge Aa rahe hain shafi-e-mehshar utho ae aasiyo! Hum gunahgaron ko haq se bakhshwate jayenge Ho gayi subh-e-baharan kaif-awar hai sama Khush naseebon ko woh ab jalwa dikhate jayenge Subh-e-sadiq ho gayi sab Aamina ke ghar chalein Noor ki barsat hogi hum nahate jayenge Zikr-e-milad-e-mubarak kaise chhorein hum bhala Jin ka khate hain unhi ke geet gate jayenge Munaqid karte rahenge ijtima-e-zikr-o-naat Dhoom un ki naat khwani ki machate jayenge Kar lo niyat khoob koshish kar ke hum apna amal Madani inamaat par har dam barhate jayenge Kar lo niyat sunnaton ki tarbiyat ke waste Qafilon mein hum safar karte karate jayenge Khoob barsein gi janaze par Khuda ki rehmatein Qabr tak Sarkar ki naatein sunate jayenge Hashr mein zer-e-liwa-e-hamd ae Attar hum Naat-e-Sultan-e-Madina gungunate jayenge