Jinhein Khalq Kehti Hai Mustafa

جنہیں خلق کہتی ہے مصطفیٰ میرا دل اُن پہ نثار ہے مرے قلب میں ہیں وہ جلوہ گر کہ مدینہ جن کا دیار ہے ہے جہاں میں جن کی چمک دمک ہے چمن میں جن کی چہل پہل وہ ہی اِک مدینہ کے چاند ہیں سب انہیں کے دَم کی بہار ہے وہ جھلک دکھا کے چلے گئے مرے دل کا چین بھی لے گئے میری رُوح ساتھ نہ کیوں گئی مجھے اب تو زندگی بار ہے وہی موت ہے وہی زندگی جو خدا نصیب کرے مجھے کہ مرے تو ان ہی کے نام پر جو جئے تو اُن پہ نثار ہے وہ ہے آنکھ جس کے یہ نور ہیں وہ ہے دل یہ جس کے سرور ہیں وہ ہی تن ہے جس کی یہ روح ہیں وہ ہے جاں یہ ان پہ نثار ہے جو کرم سے اپنے شہِ امم رکھیں مجھ غریب کے گھر قدم مرے شاہ کی نہ ہو شان کم کہ گدا پر ان کا تو پیار ہے ولے اس غریب کا خُم کدہ بنے رشکِ خلدِ بریں شہا کرے ناز اپنے نصیب پر بنے شاہ وہ جو گنوار ہے دَمِ نزع سالک بے نوا کو دکھانا شکلِ خدا نما کہ قدم پہ آپ کے نکلے دَم بس اسی پہ دارو مدار ہے ہم نے ہمیشہ کام بگاڑے تم نے بگڑے کام سنوارے آقا حشر میں عزت رکھنا عیب نہ یہ کھل جائیں ہمارے ہم کو نہ دیکھو آپ کو دیکھو گوبد ہیں کس کے ہیں تمہارے در کے کمین ہیں غیر نہیں ہیں پھرتے پھریں کیوں مارے مارے تھوڑی زمیں جو مدینہ میں دے دو آن پڑیں قدموں میں تمہارے نزع میں قبر میں اس سالک کو چاند سی شکل دکھانا پیارے