Huzoor-e-hashr mein bigri gunehgaron ki
Bane gi kaise baghair aap ke banaye hue
Safeed namah-e-aamal kyun na hon un ke
Tere karam ki jo barish mein hain nahaye hue
Nida yeh hashr mein hogi ke dekh lein ushshaq
Niqab woh rukh-e-anwar se hain uthaye hue
Hai munkiron ke liye roz-e-hashr naar-e-jaheem
Qasoor-e-khuld ghulamon pe hain lutaye hue
Madad karo ke tumhare ghulam ke peeche
hai dushmanon ka hujoom aasteen chadhaye hue
Jamil-e-Qadri naat-e-nabi sunayein ge
Khuda ke samne jayein ge jab bulaye hue
Jamil-e-Qadri chamke na kyun kalam tera
Ke tu janab-e-Raza se hai faiz paye hue