Jo khwab mein kabhi aaein huzoor aankhon mein
Suroor-e-dil mein ho paida toh noor aankhon mein
Hata dein aap agar rukh se ik zara parda
Chamak na jaye abhi barqi-e-toor aankhon mein
Nazar ko hasrat-e-pa-bos hai mere Sarwar
Karam huzoor karein pur-noor aankhon mein
Khule hain deedah-e-ushaq qabr mein yunhi
Hai intezar-e-kisi ka zaroor aankhon mein
Khuda hai toh na Khuda se juda hai ae Maula
Tere zuhoor se Rab ka zuhoor aankhon mein
Wujood-e-shams ki burhan hai khud wujood iska
Na maane koi agar hai qasoor aankhon mein
Khuda se tumko juda dekhte hain jo zalim
Hai zeigh-e-qalb mein unke futoor aankhon mein
Na ek dil ke mah-o-mehr-o-anjum-o-nargis
Hai sab ki aarzoo rakhein huzoor aankhon mein
Umand ke aah nahi aaein ashk-haye khoon
Yeh aa raha hai dil-e-nasaboor aankhon mein
Huzoor aankhon mein aaein huzoor dil mein samayein
Huzoor dil mein samayein huzoor aankhon mein
Ghilaf-e-chashm ke uthte hi aasman gaye
Nazar ke aise qawi hain tuyoor aankhon mein
Nazar nazeer na aaya nazar ko koi kahein
Bache na ghulam-e-nazar mein na hoor aankhon mein
Hamari jaan se zyada qareeb hon hum se
Tumhein qareeb jo humko hai door aankhon mein
Jahan ki jaan hain woh jaan se na kuch manzoor
Ayan hai kaf ki tarah yazd-o-door aankhon mein
May-e-mohabbat se yeh hain sar-e-sabz
Bhari hui hai sharab-e-zuhoor aankhon mein
Hua hai khatma-e-iman par tera Noori
Jabhein hain khuld-o-hoor-o-qasoor aankhon mein