Karte hain jin-o-bashar har waqt charcha Ghaus ka
Baj raha hai char-su aalam mein danka Ghaus ka
Nar-e-dozakh se bachaye ga sahara Ghaus ka
Le chale ga khuld mein adna ishara Ghaus ka
Naz'a mein marqad mein mehshar mein madad farmaye ge
Ho chuka hai ahad pehle hi hamara Ghaus ka
Khaliq-e-kon-o-makan ne pehle hi roz-e-azal
Likh diya hai meri peshani pe banda Ghaus ka
Kya ajab be-pooche mujh ko chhod dein Munkar Nakeer
Dekh kar mere kafan par naam likha Ghaus ka
Naz'a mein marqad mein mehshar mein kahein bhi ya Khuda
Haath se chhoote na daman-e-mu'alla Ghaus ka