Khula mere dil ki kali Ghaus-e-Azam
Mita qalb ki be-kali Ghaus-e-Azam
Mere chand main sadqe aa ja idhar bhi
Chamak uthe dil ki gali Ghaus-e-Azam
Tere rab ne malik kiya tere jad ko
Tere ghar se duniya pali Ghaus-e-Azam
Woh hai kaun aisa nahi jisne paya
Tere dar pe duniya dhali Ghaus-e-Azam
Kaha jisne Ya Ghaus-e-Aghasni to dam mein
Har aayi musibat tali Ghaus-e-Azam
Nahi koi bhi aisa faryadi aaqa
Khabar jiski tum ne na li Ghaus-e-Azam
Meri rozi mujh ko ata kar de aaqa
Tere dar se duniya ne li Ghaus-e-Azam
Na mangoon main tum se to phir kis se mangoon
Kaheen aur bhi hai chali Ghaus-e-Azam
Sada gar yahan main na doon to kahan doon
Koi aur bhi hai gali Ghaus-e-Azam
Jo qismat ho meri buri achi kar de
Jo aadat ho bad kar bhali Ghaus-e-Azam
Tera martaba aala kyon ho na maula
Tu hai ibn-e-maula Ali Ghaus-e-Azam
Qadam gardan-e-auliya par hai tera
Hai tu rab ka aisa wali Ghaus-e-Azam
Jo doobi thi kashti woh dam mein nikali
Tujhe aisi qudrat mili Ghaus-e-Azam
Hamara bhi beda laga do kinare
Tumhein nakhuda-i mili Ghaus-e-Azam
Tabahi se nao hamari bachado
Hawa-e-mukhalif chali Ghaus-e-Azam
Tujhe tere jad se unhein tere Rab se
Hai ilm-e-khafi-o-jali Ghaus-e-Azam
Mera haal tujh par hai zahir ke putli
Teri loh se ja mili Ghaus-e-Azam
Khuda hi ke jalwe nazar aaye jab bhi
Teri chashm-e-haq been khuli Ghaus-e-Azam
Fida tum pe ho jaye Noori muztar
Yeh hai is ki khwahish-e-dili Ghaus-e-Azam