Khushiyan manao bhaiyo! Sarkar agaye Sarkar agaye, Shah-e-Abrar agaye
Sab jhoom jhoom kar kaho Sarkar agaye donon jahan ke malik-o-mukhtar agaye
Wo ghamzadon ke hami-o-gham khwar agaye dukhiyon ke be-kason ke madadgar agaye
Wo muskurate khulq ke sardar agaye chamkate apna chehra chamakdar agaye
Hai aaj jashn-e-aamad-e-Sarkar char su duniya mein aaj nabiyon ke salar agaye
Khushiyon ke lamhe agaye deewane jhoom uthe eidon ki eid aagayi Sarkar agaye
Dai Haleema mein bari taqdeer par nisaar godi mein teri Ahmad-e-Mukhtar agaye
Parhte durood saare hi tazeem ko utho uth kar parho salam ke Sarkar agaye
Deewano! aao Amina Bibi ke ghar chalein subh-e-baharan hogayi Sarkar agaye
Lehrao sabz parcham ae Islami bhaiyo! ghar ghar chiraghan karo ke Sarkar agaye
Hote hi paida, karte hain ummat ko yaad aap ummat ki maghfirat ke talabgar agaye
Rakho gunah garo na ab khauf-e-hashr ka ae mujrimo! tumhare taraf dar agaye
Ae ghamzada! tumhari to bas eid hogayi aafat zada! tumhare madadgar agaye
Yarab! karam ho az paye-e-Milad-e-Mustafa bakhshish ki aas le ke gunahgar agaye
Sadqa Huzoor! aap ke Milad-e-Pak ka deedo shifa gunahon ke beemar agaye
Sadqa banega Amina Bibi ke ghar mein aaj kashkol le ke daurte nadar agaye
Phoolay nahi samate hain Attar aaj to duniya mein aaj hami-e-Attar agaye