Kya Kahoon Kaise Hain Pyare Tere Pyare Gaisu

کیا کہوں کیسے ہیں پیارے تیرے پیارے گیسو دونوں عارض ہیں ضحیٰ لیل کے پارے گیسو دستِ قدرت نے ترے آپ سنوارے گیسو حور سو ناز سے کیوں ان پہ نہ وارے گیسو خاکِ طیبہ سے اگر کوئی نکھارے گیسو سُنبلِ خُلد تو کیا حور بھی ہارے گیسو سُنبلِ طیبہ کو دیکھے جو سنوارے گیسو سُنبلِ خُلد کے رضواں بھی نھارے گیسو کس لیے عنبرِ سارا نہ ہوں سارے گیسو گیسو کس کے ہیں یہ پیارے ہیں تمہارے گیسو ہوں نہ کیوں رحمتِ حق حق میں ہمارے گیسو گیسو اے جانِ کرم ہیں یہ تمہارے گیسو یہ گھٹا جھوم کے کعبہ کی فضا پر آئی اڑ کے یا ابرو پہ چھائے ہیں تمہارے گیسو ماہِ تاباں پہ ہیں رحمت کی گھٹائیں چھائیں روئے پُرنور پہ یا چھائے تمہارے گیسو سر بسجدہ ہوئے محرابِ خُمِ ابرو میں کعبہِ جاں کے جو آئے ہیں کنارے گیسو نَیّرِ حشر ہے سر پر نہیں سایہ سرور ہے کھڑی دھوپ کریں سایہ تمہارے گیسو سوکھ جائے نہ کہیں کِشتِ امل اے سرور بوندیاں لُطفِ رحمت سے اتارے گیسو اپنی زلفوں سے اگر نعلِ مبارک پونچھے رضواں برکت کے لیے حور کے دھارے گیسو گرد جھاڑی ہے ترے روضہ کی بالوں سے شہا مُشک بو کیسے نہ ہوں آج ہمارے گیسو اب چمکتی ہے سیہ کارو تمہاری قسمت لو جھکے اذن کے سجدے کو وہ پیارے گیسو پیش مولائے رضا جو ہیں جھکے سجدے میں کرتے ہیں بخششِ اُمت کے اشارے گیسو پھوار مستوں پہ ترے ابرِ کرم کی برسے ساقیا کھول ذرا حوض کنارے گیسو سایہ بھی چاہیے ہے مستوں کو دو چھینٹے میں کاش ساقی کے کھلیں حوض کنارے گیسو عبرستاں بنے محشر کا وہ میداں سارا کھول دے ساقی اگر حوض کنارے گیسو بادہ و ساقی لب جو تو ہیں پھر ابر بھی ہو ساقی گھل جائیں ترے حوض کنارے گیسو یہ سرِ طور سے گرتے ہیں شرارے نوری روئے پُرنور پہ یا وارے ہیں تارے گیسو