Laaj rakh mere dast-e-dua ki mere Mola tu khairat dede
Apni rehmat ki apni ata ki mere Mola tu khairat dede
Qalb mein yaad teri basi ho zikr-e-lab par tera har ghari ho
Masti o be-khudi aur fana ki mere Mola tu khairat dede
Karna rehmat Khuda mujh pe apni rakh inayat sada mujh pe apni
Daimi aur hatmi raza ki mere Mola tu khairat dede
Nafs ne lazzaton mein phansaya mujh pe lutf o karam ho khudaya
Dil se chahat mita masawa ki mere Mola tu khairat dede
Az paye Ghaus-e-Azam wilayat apni rehmat se farma inayat
Apni, apne Nabi ki wala ki mere Mola tu khairat dede