Madani Channel sunnaton ki laiye ga ghar ghar bahar
Madani Channel se hamein kiyon walihana ho pyar
Madani Channel se jise bhi walihana pyar hai
InshaAllah dono jahan mein us ka beda paar hai
Naach ganon aur filmon se ye channel paak hai
Madani Channel haq bayan karne mein bhi be-baak hai
Madani Channel ki muhim hai nafs-o-shaitan ke khilaf
Jo bhi dekhe ga kare ga InshaAllah aitraaf
Nafs-e-amara pe zarb aisi lage gi zor-dar
Sharam-e-isyan ke sabab hoga gunahgar ashkbar
Raah-e-sunnat pe chala kar sab ko jannat ki taraf
Le chale bas ik yehi hai Madani Channel ka hadaf
Is mein mausiqi na tum hargiz suno ge sam'een
Ye gunah ka kaam hai is ki ijazat hai nahin
Chhor do filmein dramay dekhna tum chhor do
Tor do Iblees se sab rishta naata tor do
Is mein hai Faizan-e-Quran is mein Faizan-e-Hadees
Jal mare aur khaak daale sar pe Shaitan-e-khabees
Aye gunahon ke mareezon! Chahte ho gar shifa
An karte hi raho tum Madani Channel ko sada
Is mein isyan se hifazat ka bohat saman hai
InshaAllah Khuld mein bhi dakhla asaan hai
Madani Channel tum ko ghar baithe sikhaye ga namaz
Aur namazi dono aalam mein rahe ga sarfaraz
Madani Channel mein Nabi ki sunnaton ki dhoom hai
Aur Shaitan-e-la'een ranjoor hai maghmoom hai
Madani Channel Hubb-e-Ahmed mein rulata hai tumhein
Aur nasha-e-ishq-e-Muhammad ka chadhata hai tumhein
Khoob tarpata hai ye khauf-e-Khudaye Pak mein
Aur milata hai takabbur ka nasha bhi khaak mein
Madani Channel naar-e-dozakh se amaan dilwaye ga
InshaAllah aap ko bagh-e-jinan dilwaye ga
Madani Channel Madani munton ko bhi dikhlaye
Deen ki baatein bhi in ko bhi sikhlaye
Kufr ke aiwan mein Maula daal de ye zalzala
Ya Ilahi! Ta-abad jaari rahe ye silsila
Madani Channel ke sabab neki ki dawat aam ho
Aam dunya bhar mein Ya-Rab deen ka paigham ho
Madani Channel ke muballigh, naat khwan, khidmat guzar
Jis qadar bhi hain sabhi ki maghfirat ho Kardigar
Madani Channel ke liye jo saath de Attar ka
Is pe ho rehmat-e-Khuda aur karam Sarkar ka