Manana Jashn-e-Milad-un-Nabi Hargiz Na Chhorein Ge

Manana Jashn-e-Milad-un-Nabi hargiz na chhorein ge Juloos-e-pak mein jana kabhi hargiz na chhorein ge Khuda ke doston se dosti hargiz na chhorein ge Nabi ke dushmano ki dushmani hargiz na chhorein ge Khuda-e-pak ki rassi kabhi hargiz na chhorein ge Nahin chhorein ge daman-e-Nabi hargiz na chhorein ge Lagate jayenge hum Ya Rasool Allah ke naare Machana marhaba ki dhoom bhi hargiz na chhorein ge Jo chaho mang lo darwaza-e-rehmat khula hai aaj Tumhein khali wiladat ki ghari hargiz na chhorein ge Manayenge khushi hum hashr tak Jashn-e-wiladat ki Sajawat aur karna roshni hargiz na chhorein ge Agarche maal sab is raah mein qurban hojaye Magar naat-e-Nabi parhna kabhi hargiz na chhorein ge Nabi ke naam par so jaan se qurban hojayein Ghulam-e-Nabi zikr-e-Nabi hargiz na chhorein ge Jo koi jis ka khata hai usi ke geet gata hai Nabi ke geet gana hum kabhi hargiz na chhorein ge Agarche raste mein lakh rore koi atkaye Rah-e-ulfat pe chalna hum kabhi hargiz na chhorein ge Kamaye maal-o-zar dar dar phire apni bala hum to Na chhorein ge Madine ki gali hargiz na chhorein ge Ae mere bhaiyo! hai tum se Madani iltija meri Pukaro hum Raza ki pairwi hargiz na chhorein ge Sahaba aur waliyon ki mohabbat dil mein dali hai Lehaza Dawat-e-Islami bhi hargiz na chhorein ge Hamara ahd hai ke Dawat-e-Islami ko hargiz Kabhi bhi hum na chhorein ge kabhi hargiz na chhorein ge Tasalli rakh na mayoos-e-qabr-o-hashr mein Attar Tujhe tanha Rasool-e-Hashmi hargiz na chhorein ge