Marhaba izzat-o-kamal-e-huzoor
Hai jalal-e-Khuda jalal-e-huzoor
Un ki qadmon ki yaad mein mariye
Kijiye dil ko paimal-e-huzoor
Dasht-e-Aiman hai seena-e-momin
Dil mein hai jalwa-e-khayal-e-huzoor
Afrinish ko naaz hai jis par
Hai woh andaaz-e-bemisal-e-huzoor
Mah ki jaan mehr ka imaan
Jalwa-e-husn-e-bezawal-e-huzoor
Husn-e-Yusuf kare Zulaikhai
Khwab mein dekh kar jamal-e-huzoor
Waqf-e-ishjar-e-maqsad-e-khuddam
Har shab-o-roz-o-mah-o-saal-e-huzoor