Marhaba sad marhaba sall-e-ala khush amdeed
Aamad-e-noor-e-Khuda sall-e-ala khush amdeed
Ya Habeeb-e-Kibriya sall-e-ala khush amdeed
Tajdar-e-Anbiya sall-e-ala khush amdeed
Ae mere mushkil kusha sall-e-ala khush amdeed
Jaan-o-dil tum par fida sall-e-ala khush amdeed
Sarwar-e-arz-o-sama sall-e-ala khush amdeed
Ae shahe-har-do-sara sall-e-ala khush amdeed
Shams mein teri ziya sall-e-ala khush amdeed
Mah mein tera chandna sall-e-ala khush amdeed
Kyun yeh ghar ghar roshni hai aaj kis ka jashn hai?
Amina ke laal ka sall-e-ala khush amdeed
Aaj kyun charon taraf yeh marhaba ki dhoom hai?
Kyun hai har su ghulghula salle ala khush amdeed
Baat yeh hai aaj duniya mein huye hain jalwa gar
Baithe baithe Mustafa salle ala khush amdeed
Marhaba jashne wiladat marhaba sad marhaba
Noore aine Amina salle ala khush amdeed
Jashne Miladun Nabi ki dhoom hai charon taraf
Harkoi hai keh raha salle ala khush amdeed
Rehmatul lil alameen ki ho gayi jalwa gari
Baabe rehmat wa huwa salle ala khush amdeed
Chashme ma roshan dile ma shaad ae jaane chaman
Marhaba ya Mustafa salle ala khush amdeed
Chhat gaye zulmat ke badal door andhera ho gaya
Noor wala aa gaya salle ala khush amdeed
Khana e Kaaba mein jo but thay sab oondhay gir paray
Dabdaba aamad ka tha salle ala khush amdeed
Anbiya o mursaleen sab ki imamat ka bartaray
Sar pe hai sehra saja salle ala khush amdeed
Amina ke ghar mein jab aamad Muhammad ki hui
Char su yeh shor utha salle ala khush amdeed
Khoob sadqa bat raha hai Amina ke ghar pe aaj
Aaye shahe ashqiya salle ala khush amdeed
Ham ghareebon ke toh bas waray hi nyaray ho gaye
Dar tumhara mil gaya salle ala khush amdeed
Bhar do seenay mein suroor aur aankh kar do noor noor
Dil mera do jagmaga salle ala khush amdeed
Qabr mein jalwa Nabi ka dekh kar Attar kaash!
Bol uthay be-sakhta salle ala khush amdeed