Mil gayi kaisi saadat mil gayi
Mujh ko ab hajj ki ijazat mil gayi
Phir Madine ka safar darpesh hai
Phir Madine ki ijazat mil gayi
Mere Madani peer-o-murshid ke tufail
Phir Madine ki ijazat mil gayi
Kyun na jhoomon kyun na lootoon mujh ko toh
Phir Madine ki ijazat mil gayi
Main khushi se mar na jaaun ab kahein
Phir Madine ki ijazat mil gayi
De de Ya Rab! mujh ko taufiq-e-adab
Phir Madine ki ijazat mil gayi
Rone wali aankh de de Ya Khuda!
Phir Madine ki ijazat mil gayi
Ya Ilahi qalb-e-muztar ho ata
Phir Madine ki ijazat mil gayi
Ab toh de de Ya Khuda zauq-e-junoon
Phir Madine ki ijazat mil gayi
Ya Khuda de de tadapne ki ada
Phir Madine ki ijazat mil gayi
Aatish-e-shauq aur karde tez tar
Phir Madine ki ijazat mil gayi
Ho ata soz-e-Bilal aye Zuljalal
Phir Madine ki ijazat mil gayi
Un ke jalway dekh le woh aankh de
Phir Madine ki ijazat mil gayi
Ya Ilahi! Tu ata kar de Baqi
Phir Madine ki ijazat mil gayi
Mil gaya jis ko Baqi-e-Pak usay
Qurbat-e-Mah-e-Risalat mil gayi
Jhoomo jhoomo khoob jhoomo zairo!
Kya mila dar-e-un ka Jannat mil gayi
Qabr-e-Anwar ki ziyarat jis ne ki
Us ko Aaqa ki shafa'at mil gayi
Arsh par to Gumbad-e-Khizra kahan!
Farsh tujh ko yeh sa'adat mil gayi
Ro rahe hain aashiqan-e-Mustafa
Wah wah kya khoob qismat mil gayi
Gham-e-Madine ka jisay bhi mil gaya
Do jahan ki us ko ni'amat mil gayi
Taj-e-shahi us ke aage heech hai
Mustafa ki jis ko ulfat mil gayi
Hum ko faizan-e-Madina mil gaya
Kaisi aala hum ko ni'amat mil gayi
Main Madine mein maroon is haal mein
Sab kahen is ko shahadat mil gayi
"Al-Madina" chal Madina jhoom kar
Jab pukara dil ko rahat mil gayi
Jab tadap kar Ya Rasul Allah kaha
Foran Aaqa ki himayat mil gayi
Anbiya saare khade hain saf-ba-saf
Mere Aaqa ko imamat mil gayi
Khak-e-Taiba se kya jis ne ilaaj
Harr marz se us ko rahat mil gayi
Meri qismat ki yahi meraj hai
Un ke kafsh-e-pa se nisbat mil gayi
Donon aalam mein hua woh surkhroo
Jis ko un ki chashm-e-rehmat mil gayi
Main Imam-e-Ahmad-e-Raza ka hoon ghulam
Kitni aala mujh ko nisbat mil gayi
Rah-e-Sunnat mein hua jo bhi zaleel
Us ko un ke dar se izzat mil gayi
The gunah had se siwa Attar ke
Un ke sadqe phir bhi jannat mil gayi
Kyun na rashk aaye hamain Attar par
Us ko Taiba ki ijazat mil gayi