Muradein mil rahi hain shad shad un ka sawali hai
Labon pe iltija hai roza ki jaali hai
Teri surat teri seerat zamane se nirali hai
Teri har har ada pyare daleel-e-be misali hai
Bashar ho ya malak jo hai tere dar ka sawali hai
Teri sarkar wala hai tera darbar-e-aali hai
Woh jag data ho tum sansar sare ka sawali hai
Diya karna ke is mangte ne bhi gudri bichali hai
Munawwar dil nahi faiz-e-qudoom-e-shah se roza hai
Mushabbak seena-e-ashiq nahi roza ki jaali hai
Tumhara qamat-e-yakta hai ik bazm-e-wahdat ka
Tumhari zaat-e-be hamta misal-e-be misali hai