Na koi rusookh-o-asar chahiye
Faqat teri seedhi nazar chahiye
Zamanay ki khoobi zamanay ko de
Mujhay sirf dard-e-jigar chahiye
Rahay jis mein ishq-e-Habib-e-Khuda
Woh dil woh jigar aur woh sar chahiye
Koi raaj chahay koi takht-o-taaj
Mujhay teray piyaray ka dar chahiye
Banay jis mein taqdeer bigri hui
Elahi mujhay woh hunar chahiye
Hain dunya mein lakhon bashar purwahan
Khabar ke liye be-khabar chahiye
Khazanay se Rabb ke jo chaho solo
Nabi ki ghulami magar chahiye
Duaein to Salik bohat hain magar
Asar ke liye chashm-e-tar chahiye
Gosh-e-dil se momino sun lo zara
Hai yeh qissa Fatima ke aqd ka
Pandra saala Nabi ki ladli
Aur baayees saal thi umr-e-Ali
Aqd ka paigham Haider ne diya
Mustafa ne marhaba ahlan kaha
Peer ka din satrah maah-e-Rajab
Doosra san hijrat-e-Shah-e-Arab
Phir Madina mein hua elaan-e-aam
Zohr ke waqt aaein saare khaas-o-aam
Is khabar se shor barpa ho gaya
Koocha-o-bazaar mein ghul sa macha
Aaj hai Maula ki dukhtar ka nikah
Aaj hai is nek akhtar ka nikah
Aaj hai is paak-o-sachhi ka nikah
Aaj hai be-maan ki bachhi ka nikah
Khair se jab waqt aaya Zohr ka
Masjid-e-Nabvi mein majma ho gaya
Ek jaanib hain Abu Bakr-o-Umar
Ek taraf Usman bhi hain jalwa-gar
Har taraf as-haab aur Ansaar hain
Darmiyan mein Ahmad-e-Mukhtar hain
Saamne nosha Ali-e-Murtaza
Haidar-e-Karrar Shah-e-La-fata
Aaj goya arsh aaya hai utar
Ya ke qudsi aa gaye hain farsh par
Jama jab yeh saara majma ho gaya
Sayyid-ul-Konain ne khutba padha
Jab hue khutbe se faarigh Mustafa
Aqd-e-Zahra ka Ali se kar diya
Chaar sau misqal chaandi meher tha
Wazan jis ka dedh sau tola hua
Baad mein khurma lutaye la-kalaam
Maswa is ke na tha koi ta'am
Un ke haq mein phir dua-e-khair ki
Aur har ek ne mubarakbaad di
Ghar se rukhsat jis ghadi Zahra huein
Walida ki yaad mein rone lagein
Di tasalli Ahmad-e-Mukhtar ne
Aur farmaya Shah-e-Abrar ne
Fatima har tarah se bala ho tum
Maika o sasural mein a'la ho tum
Baap tumhare Imam-ul-Anbiya
Aur shohar Auliya ke peshwa
Mah-e-Zulhijjah mein jab rukhsat hui
Tab Ali ke ghar mein ek dawat hui
Jis mein theen das seer jau ki rotiyan
Kuch paneer aur thode khur-e-beguman
Is ziyafat ka walima naam hai
Aur yeh dawat sunnat-e-Islam hai
Sab ko un ki raah chalna chahiye
Aur buri rasmon se bachna chahiye