Nabi sarwar-e-har rasool-o-wali hai
Nabi raaz-e-ma'allahi li hai
Woh naami ke naam-e-Khuda naam tera
Ra'oof-o-raheem-o-aleem-o-ali hai
Hai betaab jis ke liye arsh-e-aazam
Woh us rahraw-e-lamaka ki gali hai
Nakeerain karte hain ta'zeem meri
Fida ho ke tujh par ye izzat mili hai
Talatum hai kashti pe toofan-e-gham ka
Ye kaisi hawa-e-mukhalif chali hai
Na kyon kar kahoon Ya Habeebi Aghisni
Isi naam se har museebat tali hai
Saba hai sarsar-e-dasht-e-Tayyaba
Isi se kali mere dil ki khuli hai
Tere charon hamdam hain yak jaan yak dil
Abu Bakr, Farooq, Usman, Ali hai
Khuda ne kiya tujh ko aagah sab se
Do aalam mein jo kuch khafi-o-jali hai
Karoon arz kya tujh se ae Aalim-e-Sir
Ke tujh par meri halat-e-dil khuli hai
Tamanna hai farmaye roz-e-mahshar
Ye teri rehayi ki chitthi mili hai
Jo maqsad ziarat ka bar aaye phir to
Na kuch qasd kijiye ye qasd-e-dili hai
Tere dar ka darbaan hai Jibraeel-e-Aazam
Tera madah khwan har nabi-o-wali hai
Shafa'at kare hashr mein jo Raza ki
Siwa tere kis ko ye qudrat mili hai