Nazara Ho Darbar Ka Ghous-e-Azam Dikha Neela Gumbad Dikha Ghous-e-Azam
Mujhe Jaam-e-Ulfat Pila Ghous-e-Azam Rahoon Mast-o-Be-Khud Sada Ghous-e-Azam
Karam Kijiye Phir Main Baghdad Aaon Mere Peer Ka Wasta Ghous-e-Azam
Mujhe Apni Chokhat Ka Kutta Bana Lo Hamesha Rahoon Ba-Wafa Ghous-e-Azam
Tere Aastan Ka Hoon Mangta Guzara Hai Tukron Pe Tere Mera Ghous-e-Azam
Gunahon Ka Baar Apne Sar Par Utha Kar Phiroon Kab Talak Ja-Baja Ghous-e-Azam
Ilaaj Aakhir-e-Ae Murshadi Kab Karenge! Gunahon Ke Beemar Ka Ghous-e-Azam
Gunahgar Hoon Gar Azabon Ne Ghera To Hoga Mera Haye! Kya Ghous-e-Azam
Nazar Murshadi Teri Janib Lagi Hai Azabon Se Leena Bacha Ghous-e-Azam
Jahan Mein Jeeyoon Sunnaton Ke Mutabiq Madeene Mein Ho Khatima Ghous-e-Azam
Ho Attar Ki Be-Sabab Bakhshish Aqa Yeh Farmayein Haq Se Dua Ghous-e-Azam