Paat Woh Kuch Dhaar Yeh Kuch Zaar Hum

پاٹ وہ کچھ دھار یہ کچھ زار ہم یا الٰہی کیوں اُتریں پار ہم کس بلا کی مے سے ہیں سرشار ہم دن ڈھلا ہوتے نہیں ہشیار ہم تُم کرم سے مُشتری ہر عیب کے جِنسِ مقبولِ ہر بازار ہم دُشمنوں کی آنکھ میں بھی پھول تُم دوستوں کی بھی نظر میں خار ہم لغزشِ پا کا سہارا ایک تُم گرنے والے لاکھوں ناہنجار ہم صَدقہ اپنے بازوؤں کا المدد کیسے توڑیں یہ بُتِ پندار ہم دَم قدم کی خیر اے جانِ مسیح در پہ لائے ہیں دلِ بیمار ہم اپنی رحمت کی طرف دیکھیں حضور جانتے ہیں جیسے ہیں بدکار ہم اپنے مہمانوں کا صدقہ ایک بوند مر مٹے پیاسے ادھر سرکار ہم اپنے گوچۂ سے نکالا تو نہ دو ہیں تو حد بھر کے خدائی خوار ہم ہاتھ اُٹھا کر ایک ٹکڑا اے کریم ہیں سخی کے مال میں حقدار ہم چاندنی چھٹکی ہے اُن کے نور کی آؤ دیکھیں سیرِ طور و نار ہم ہمت اے ضعف ان کے دَر پر گر کے ہوں بے تکلف سایۂ دیوار ہم با عطا تُم شاہ تُم مختار تُم بے نوا ہم زار ہم ناچار ہم تُم نے تو لاکھوں کو جانیں پھیر دیں ایسا کیا رکھتے ہیں آزار ہم اپنی ستاری کا یا رب واسطہ ہوں نہ رُسوا بر سرِ دربار ہم اتنی عرضِ آخری کہہ دو کوئی ناؤ ٹوٹی آ پڑے منجدھار ہم مُنہ بھی دیکھا ہے کسی کے عفو کا دیکھہ او عصیاں نہیں بے یار ہم میں نثار ایسا مسلماں کیجئے توڑ ڈالیں نفس کا زُنار ہم کب سے پھیلائے ہیں دامن تیغِ عشق اب تو پائیں زخم دامن دار ہم سُنیت سے کھٹکے سب کی آنکھ میں پھول ہو کر بن گئے کیا خار ہم ناتوانی کا بھلا ہو بن گئے نقش پائے طالبانِ یار ہم دل کے ٹکڑے نذرِ حاضر لائے ہیں اے سگانِ گوچۂ دلدار ہم قسمتِ ثور و جرا کی حرص ہے چاہتے ہیں دل میں گہرا غار ہم چشمِ پوشی و کرم شانِ شما کارِ ما بے باکی و اصرار ہم فضلِ گل سبزہ صبا مستی شباب چھوڑیں کس دل سے درِ خمّار ہم میکدہ چھوٹا ہے للہ ساقیا اب کے ساغر سے نہ ہوں ہشیار ہم ساقیِ تسنیم جب تک آ نہ جائیں اے سیہ مستی نہ ہوں ہشیار ہم نازِشیں کرتے ہیں آپس میں مَلک ہیں غلامانِ شہِ ابرار ہم لطفِ از خود رفتگی یارب نصیب ہوں شہیدِ جلوہ رفتار ہم اُن کے آگے دعویِٰ ہستی رضا کیا بکے جاتا ہے یہ ہر بار ہم