Parday jis waqt uthein jalwa-e-zebai ke
Woh nigehban rahein chashm-e-tamannai ke
Dhoom hai farsh se ta arsh teri shaukat ki
Khutbe hote hain jahanbani-o-darai ke
Husn-e-rangini-o-talat se tumhare jalwe
Gul-o-aaina bane mehfil-o-zebai ke
Zarra-e-dasht-e-madine ki ziya mehr kare
Achhi saa'at se phirein din shab-e-tanhai ke
Pyar se le liye aagosh mein sar-e-rehmat ne
Paye inaam tere dar ki jabeen-sai ke
Laash-e-ahbab isi dar par pari rehne dein
Kuch to armaan nikal jayen jabeen-sai ke
Jalwa-gar ho jo kabhi chashm-e-tamannai mein
Parday aankhon ke hon parday teri zebai ke
Khaak pamal hamari bhi pari hai sar-e-rah
Sadqe ae rooh-e-rawan teri maseehai ke
Kyun na woh toote dilon ke khandhar aabad karein
Ke dikhane hain kamal-e-anjuman aarai ke
Zeennaton se hain haseenan-e-jahan ki zeenat
Zeennatein paati hain sadqe teri zebai ke
Naam-e-Aaqa hua jo lab se ghulamon ke buland
Bala bala gaye gham aafat-e-balai ke
Arsh pe Kaaba-o-firdous-o-dil-e-momin mein
Shama-e-afroz hain aage teri yaktai ke
Tere mohtaj ne paya hai woh shahana mizaj
Is ki gudri ko bhi peewand hon darai ke
Apne zarron ke siya khanon ko roshan kar do
Mehr ho tum falak-e-anjuman aarai ke
Poore Sarkar se chote bade armaan hon sab
Ae Hasan mere chote bade bhai ke
Na ruk aye zaleel-o-ruswa dar-e-shahryar par aa
Ke yeh woh nahin hain haasha jinhein tujh se aar aaye
Teri rehmaton se kam hain mere jurm is se zaid
Na mujhe hisab aaye na mujhe shumar aaye
Gul-e-khuld le ke zahid tumhein khaar-e-Taiba de doon
Mere phool mujh ko tujhe bade hoshiyar aaye
Banay zarra zarra gulshan to ho khaar khaar-e-gulshan
Jo hamare ujray ban mein kabhi woh nigaar aaye
Tere sadqay tera sadqa hai woh shandaar sadqa
Woh waqar le ke jaaye jo zaleel-o-khwaar aaye
Tere dar ke hain bhikari mile khair dam-e-qadam ki
Tera naam sun ke Data hum umeedwar aaye
Hassan un ka naam le kar tu pukar dekh gham mein
Ke yeh woh nahin jo ghafil pas-e-intezar aaye