Poochhte kya ho arsh par yun gaye Mustafa ke yun
Kaif ke jahan jalein koi bataye kya ke yun
Qasr-e-duna ke raaz mein aqlein to gum hain jaisi hain
Rooh-e-quds se pochiye tum ne bhi kuch suna ke yun
Mein ne kaha ke jalwa-e-asal mein kis tarah gayin
Subah ne noor-e-mehr ke dikha diya ke yun
Haaye re zauq-e-be-khudi dil jo sambhalne sa laga
Chahak ke mehak mein phool ki girne lagi saba ke yun
Dil ko de noor-e-daagh-e-ishq phir mein fida-o-neem kar
Maana hai sun ke shaq-e-maah aankhon se ab dikha ke yun
Dil ko hai fikr kis tarah murde jalate hain huzoor
Ae mein fida laga kar ek thokar ise bata ke yun
Baagh mein shukr-e-wasl tha hijr mein haaye haaye gul
Kaam hai un ke zikr se khair ho yun hua ke yun
Jo kahe she'r-e-paas-e-shar' donon ka husn kyun na aaye
Laa use pesh jalwa-e-zamzama-e-Raza ke yun
Phir ke gali gali tabah thokarein sab ki khaye kyun
Dil ko jo aql de Khuda teri gali se jaye kyun
Rukhsat-e-qafila ka shor ghash se hamein uthaye kyun
Sote hain un ke saya mein koi hamein jagaye kyun
Baar na the Habeeb ko paalte hi ghareeb ko
Royein jo ab naseeb ko chain kaho ganwaye kyun
Yad-e-Huzoor ki qasam ghaflat-e-aish hai sitam
Khub hain qaid-e-gham mein hum koi hamein chudaye kyun
Dekh ke Hazrat-e-Ghani phail pade faqeer bhi
Chayi hai ab to chaoni hashr hi aa na jaye kyun
Jaan hai ishq-e-Mustafa roz fazoon kare Khuda
Jis ko ho dard ka maza naaz-e-dawa uthaye kyun
Hum to hain aap dil figar gham mein hansi hai nagawar
Chhed ke gul ko nau-bahaar khoon hamein rulaye kyun
Ya to yun hi tadap ke jayein ya wahi daam se chudayein
Minat-e-ghair kyun uthayein koi taras jataye kyun
Un ke jalaal ka asar dil se lagaye hai qamar
Jo ke ho lot zakhm par daagh mitaye kyun
Khush rahe gul se andaleeb khaar-e-haram mujhe naseeb
Meri bala bhi zikr-e-par phool ke khaar khaye kyun
Gard-e-malaal agar dhale dil ki kali agar khule
Barq se aankh kyun jale rone pe muskuraye kyun
Jaan-e-safar naseeb ko us ne kaha maze se so
Khatka agar sahar ka ho shaam se maut aaye kyun
Ab to na rok aye Ghani aadat-e-sag bigad gayi
Mere Kareem pehle hi luqma-e-tar khilaye kyun
Raah-e-Nabi mein kya kami farsh-e-bayaaz-e-deeda ki
Chaadar-e-zill hai mil gayi zer-e-qadam bichaye kyun
Sang-e-dar-e-Huzoor se hum ko Khuda na sabr de
Jaana hai sar ko jaachuke dil ko qaraar aaye kyun
Hai to Raza zara sitam jurm pe gar lajayein hum
Koi bajaye soz-e-gham saaz-e-tarab bajaye kyun