Jahan mein aake aisa khanjar-e-Tauheed chamkaya
Ke but bol uthay Allah-u-Ahad har ek mandir se
Miti tareeki-e-kufr-o-zalalat roshni phaili
Abu Bakr-o-Umar Usman Ali Shabbir-o-Shabbar se
Banaya Haq Ta'ala ne unhein kaunain ka maalik
Faqiro maang lo har shay mere mohtaj parwar se
Karam se un ke lakhon ban gaye bigre huye dam mein
Ghanni sadha huye un ki nigah-e-banda parwar se
Mujhe aisa laga de apni zaat-e-pak mein Maula
Ke meri aankh mere hashr tak tarse
Madina kya hai aur is mein baharein kaisi kaisi hain
Koi poochay hamari aarzoo-e-qalb-e-muztar se
Hamein Taiba mein pohancha kar gira de ya Khuda aisa
Na uthein hum qayamat tak Rasool-e-Allah ke dar se