Qafle ne suye tayyaba kamar arai ki
Mushkil aasaan ilahi meri tanhai ki
Laaj rakh li tama-e-afw ke saudai ki
Ae mein qurbaan mere aaqa badi aaqai ki
Farsh ta arsh sab aaina zama-ir haazir
Bas qasam khaiye utri teri daanai ki
Shash jihat simt-e-muqabil shab-o-roz ek hi haal
Dhoom wan-najm mein hai aap ki beenai ki
Paanch sau saal ki raah aisi hai jaise do gaam
Aas hum ko bhi lagi hai teri shunwai ki
Chaand ishare ka hila hukm ka baandha suraj
Waah kya baat shaha teri tawanai ki
Tang thehri hai Raza jis ke liye wusat-e-arsh
Bas jagah dil mein hai us jalwa-e-harjai ki