Ronaq-e-bazm-e-jahan hain aashiqan-e-sokhta
Keh rahi hai shamma ki goya zaban-e-sokhta
Jis ko qurs-e-mehr samjha hai jahan ai mun'imo!
Un ke khwan-e-jood se hai ek nan-e-sokhta
Mah-e-man yeh nayyar-e-mehshar ki garmi tabke
Aatish-e-isyan mein khud jalti hai jaan-e-sokhta
Barq-e-angusht-e-nabi chamki thi us par ek baar
Aaj tak hai seena-e-mah mein nishan-e-sokhta
Mehr-e-alam tab jhukta hai paye tasleem-e-roz
Pesh-e-zarraat-e-mazar-e-bedilan-e-sokhta
Gocha-e-geesoo-e-janan se chale thandi naseem
Baal-o-par afshan hon ya rab bulbulan-e-sokhta
Behr-e-haq ai behr-e-rehmat ek nigah-e-lutf-e-baar
Tabke be-aab tadpen mahiyan-e-sokhta
Rookash-e-khursheed-e-mehshar ho tumhare faiz se
Ek sharar-e-seena-e-shaidaiyan-e-sokhta
Aatish-e-tardamani ne dil kiye kya kabab
Khizr ki jaan ho jala do mahiyan-e-sokhta
Aatish-e-gulhaye taiba par jalane ke liye
Jaan ke talib hain pyare bulbulan-e-sokhta
Lutf-e-barq-e-jalwa-e-meraj laya wajd mein
Shola-e-jawala saan hai aasman-e-sokhta
Ai Raza mazmoon-e-soz-e-dil ki rif'at ne kiya
Is zameen-e-sokhta ko aasman-e-sokhta