Ronaq-e-kul auliya ya Ghouse-e-Azam Dastgeer
Peshwa-e-asfiya ya Ghouse-e-Azam Dastgeer
Aap hain peeron ke peer aur aap hain roshan zameer
Aap shah-e-atqiya ya Ghouse-e-Azam Dastgeer
Auliya ki gardanein hain aap ke zer-e-qadam
Ya Imam-ul-auliya ya Ghouse-e-Azam Dastgeer
Thartharate hain shaha jinat tere naam se
Hai tera woh dabdaba ya Ghouse-e-Azam Dastgeer
Paida hote hi rakhe Ramzan mein rozay, din mein doodh
Ka na ik qatra piya ya Ghouse-e-Azam Dastgeer
Jis tarah murday jalaye us tarah murshid mere
Murda dil ko bhi jala, ya Ghouse-e-Azam Dastgeer
Ahl-e-mahshar dekhte hi hashr mein yun bol uthay
Marhaba sad marhaba ya Ghouse-e-Azam Dastgeer
Aap jaisa peer ho to kya gharaz dar-dar phirun
Aap se sab kuch mila ya Ghouse-e-Azam Dastgeer
Go zaleel-o-khwar hun badkar-o-badkardar hun
Aap ka hun aap ka, ya Ghouse-e-Azam Dastgeer
Raasta pur-khar, manzil door, ban sunsaan hai
Al-madad ae rahnuma! ya Ghouse-e-Azam Dastgeer
Ghouse-e-Azam! aaiye meri madad ke wastay
Dushmanon mein hun ghira ya Ghouse-e-Azam Dastgeer
Aafatein bhi door hon, ranj-o-bala kafoor hon
Az tufail-e-Mustafa ya Ghouse-e-Azam Dastgeer
Izn-e-do Baghdad ka har ik aqeedat-mand ko
Gyarahween walay shaha ya Ghouse-e-Azam Dastgeer
Baithey murshid haziri ko ik zamana ho gaya
Dar pe phir mujh ko bula, ya Ghouse-e-Azam Dastgeer
Mere meethey meethey murshid aaiye na khwab mein
Wasta Sarkar ka, ya Ghouse-e-Azam Dastgeer
Apni ulfat ki pila kar may mujhe ya murshidi
Mast aur bekhud bana ya Ghouse-e-Azam Dastgeer
Lamha lamha barh raha hai haye! isyan ka marz
Dejiye mujh ko shifa, ya Ghouse-e-Azam Dastgeer
Murshidi mujh ko bana de tu mareez-e-Mustafa
Az paye Ahmed Raza, ya Ghouse-e-Azam Dastgeer
Apne Rab se Mustafa ka gham dila de murshidi
Hath utha kar dua ya Ghouse-e-Azam Dastgeer
Ab sarhanay aao murshid aur mujhe kalma parhao
Dam labon par aa gaya ya Ghouse-e-Azam Dastgeer
Hai yehi Attar ki haajat Madine mein maray
Ho inayat-e-Saiyada, ya Ghouse-e-Azam Dastgeer