Saaray nabiyon ka sarwar Madeenay mein hai

سارے نبیوں کا سرور مدینے میں ہے سب رسولوں کا افسر مدینے میں ہے لطفِ جنت سے بڑھ کر مدینے میں ہے میٹھے محبوب کا گھر مدینے میں ہے کیا ہوا بھی معطر مدینے میں ہے سب فضا بھی منور مدینے میں ہے کر کے ہجرت یہاں آگئے مصطفےٰ روشنی آج گھر گھر مدینے میں ہے جانتے ہو مدینہ ہے کیوں دل پسند دونوں عالم کا سرور مدینے میں ہے سارے دیوانے بے تاب ہیں اس لئے شاہ کی قبرِ انور مدینے میں ہے نور کی دیکھو برسات ہے چار سُو کیا سماں کیف آور مدینے میں ہے ہجر و فرقت کے بیمار کو لے چلو راحتِ جانِ مضطر مدینے میں ہے دور رہ کر ہے ویران سی زندگی موت بھی کیف آور مدینے میں ہے ہے مدینے کا رتبہ بڑا خُلد سے کیوں کہ محبوبِ داور مدینے میں ہے مالدارو! نہ اتراؤ تم مال پر ان کا منگتا توگر مدینے میں ہے اپنی منزل کو پالو گے آجاؤ تم بھولے بھٹکوں کا رہبر مدینے میں ہے بھول جاؤ گے پیروں کی سب رونقیں وہ سماں روح پرور مدینے میں ہے دشمنو! مت اکیلا سمجھنا مجھے میرا حامی و یاور مدینے میں ہے آؤ عصیاں نہالو یہاں آکے تم رحمتوں کا سمندر مدینے میں ہے حشر میں جامِ کوثر کی ہے گر طلب آؤ ساقیِ کوثر مدینے میں ہے آؤ آؤ گنہگارو! آجاؤ تم شافعِ روزِ محشر مدینے میں ہے اے شفاعت کے اُمید وارو! چلو شافعِ روزِ محشر مدینے میں ہے تم شفاعت میں شک مت کرو زائروں! شافعِ روزِ محشر مدینے میں ہے ”چل مدینہ“ وہی ہو سکے جس کا دل گھر میں رہ کر بھی اکثر مدینے میں ہے ”چل مدینہ“ کا دیوانو! مژدہ سنو جلد ہر با مقدر مدینے میں ہے سبز گنبد کا عطار منظر تو دیکھ کس قدر کیف آور مدینے میں ہے