Aayen jab khatoon-e-jannat apne ghar
Pad gaye sab kaam un ki zaat par
Kaam se kapde bhi kaale pad gaye
Hath mein chakki se chhaale pad gaye
Di khabar Zahra ko Asadullah ne
Baante hain qaidy Rasoolullah ne
Ek laundi bhi agar hum ko mile
Is museebat se tumhein rahat mile
Sun ke Zahra aayen Siddiqa ke ghar
Taake dekhein hath ke chhaale pidar
Par na the daulat kadah mein Shah-e-Deen
Walida se arz kar ke aa gayin
Ghar mein jab aaye Habeeb-e-Kibriya
Walida ne majra sara kaha
Fatima chhaale dikhane aayi thin
Ghar ki takleefen sunane aayi thin
Aap ko ghar mein na paaya Shah-e-Deen
Mujh se sab dukh apna keh gayin
Ek khadim aap agar un ko bhi dein
Chakki aur choolhay ke woh dukh se bachein
Sun liya sab kuch Rasool-e-Pak ne
Kuch na farmaya Shah-e-Lolaak ne
Shab ko aaye Mustafa Zahra ke ghar
Aur kaha dukhtar se aye jaan-e-pidar
Hain yeh khadim un yateemon ke liye
Baap jin ke jang mein maare gaye
Tum pe saaya hai Rasoolullah ka
Aasra rakho fakat Allah ka
Hum tumhein tasbeeh ek aisi batayen
Aap jis se khadimon ko bhool jayen
Awalan Subhan 33 baar ho
Aur phir Alhamdu utni hi padho
Aur 34 baar ho takbeer bhi
Taake 100 ho jayen yeh mil kar sabhi
Padh liya karna ise har subh-o-shaam
Wird mein rakhna ise apne mudaam
Khuld ki mukhtar raazi ho gayin
Sun ke yeh guftaar khush khush ho gayin
Saalik un ki raah jo koi chale
Deen-o-duniya ki museebat se bache
Meri bigri hui halat bana do
Meri soi hui qismat jaga do
Tumhare saikron hum se gada hain
Hamare aap hi ik aasra hain
Khilayen nematein mujh be-hunar ko
Daya le aaram mujh ganday bashar ko
Nahin hai sath mere koi tosha
Kathan manzil tumhara hai bharosa
Khulein jab roz-e-mahshar mere daftar
Rahe parda mera mehboob-e-dawar
Main be-zar, be-hunar, be-par hoon Salik
Magar un ka hoon woh hain mere Maalik