Subh hoti hai shaam hoti hai umr yunhi tamam hoti hai
Puri kab arzu Madine ki Shah-e-Khair-ul-Anaam hoti hai
Mustafa ka hai jo bhi deewana us pe rehmat mudam hoti hai
Sunnaton ka hai jo bhi shedayi us pe dozakh haram hoti hai
Bakht-e-zairon ki Makke mein subh, Taiba mein shaam hoti hai
Ya Habib-e-Khuda karam kar do! Door kab gam ki shaam hoti hai
Khub insaan ko karti hai ruswa jab zaban be-lagam hoti hai
Gar takabbur ho dil mein zarra bhar sun lo jannat haram hoti hai
Maal-o-daulat ke ashiqon ki har arzu na-tamam hoti hai
Ya Umar! Deen-e-Haq ke aada par tegh kab be-niyam hoti hai?
Paye rutba shaheed ka khuld us liye du hi gaam hoti hai
Sun lo har ek nek shakhsiyat qabil-e-ehtram hoti hai
Utho Attar Taiba chalte hain un ki rehmat to aam hoti hai