Taiba ke musafir mujhe toh bhool na jana, aye azim-e-Taiba! main talabgar-e-dua hoon

Taiba ke musafir mujhe toh bhool na jana Aye azim-e-Taiba! main talabgar-e-dua hoon Ro ro ke Nabi ko mari roodaad sunana Aye azim-e-Taiba! main talabgar-e-dua hoon Ho mujh pe karam sadqe mein Sultan-e-Duna ke Dikhla de manazir mujhe Arafat-o-Mina ke Kehta tha phir Allah mujhe Hajj pe bulana Aye azim-e-Taiba! main talabgar-e-dua hoon Bechara Madine se bohat door para hai Badkar sahi par tera deewana bada hai Kehta tha mujhe hazri ka izn dilana Aye azim-e-Taiba! main talabgar-e-dua hoon Kehna bada arsa hua Taiba nahin pahuncha Barson se nahin dekh saka Gumbad-e-Khadra Miskeen ko ab qadmon mein Sarkar bulana Aye azim-e-Taiba! main talabgar-e-dua hoon Aye rah-e-Madina ke musafir tu theher kar Majboor ki beeta zara sun kaan ko dhar kar Kar Haq se dua ranj-o-alam iske mitana Aye azim-e-Taiba! main talabgar-e-dua hoon Tu Rab ka hai mehmaan rah-e-janan ka hai azim Main sakht gunahgar-o-khata kar hoon mujrim Allah se kar arz ise dozakh se bachana Aye azim-e-Taiba! main talabgar-e-dua hoon Allah ke ghar ka joon hi dekhe tu dawara Jis waqt ke Kabe ka kare pehla nazara Gar hosh hoon tere mujhko na bhulana Aye azim-e-Taiba! main talabgar-e-dua hoon Ro ro ke tu karna mere haq mein yeh duayein Bole na fazool aur rakhe neechi nigahien Kar arz Khuda se tu ise nek banana Aye azim-e-Taiba! main talabgar-e-dua hoon Behkata hai shaitan tu hai nafs satata Tauba bhi bohat karta hai par pahunch nahin pata Kar Haq se dua isko gunahon se bachana Aye azim-e-Taiba! main talabgar-e-dua hoon Sakrat ke sadmay mere bas mein nahin sehna Kehta tha: tu Sarkar se ro ro ke yeh kehna Jalwa bhi dikhana mujhe kalma bhi padhana Aye azim-e-Taiba! main talabgar-e-dua hoon Kehta tha bure khatmay ka khauf bada hai Dekh hai ise barha yeh ro bhi para hai Yarab ise imaan pe duniya se uthana Aye azim-e-Taiba! main talabgar-e-dua hoon Nadim hai mazeed isko tu sharminda na karna Be-poochhe hi de bakhsh qayamat mein na dharna Kar arz Khuda se ise jannat mein basana Aye azim-e-Taiba! main talabgar-e-dua hoon Jab tak ho Madine mein muyassar tujhe rehna Ro ro ke salam un se mera roz tu kehna Khairaat-e-shifaat ki tabarruk mein le aana Aye azim-e-Taiba! main talabgar-e-dua hoon Ikhlas ki Allah ise kar de ata bheek Aur ghussay ki aadat talay akhlaq bhi hoon theek Hunain ke sadqay ise hans mukh tu banana Aye azim-e-Taiba! main talabgar-e-dua hoon Chhai hai mere rukh pe gunahon ki siyahi Maqsoom na ho jaye kahin bhai tabahi Kar arz, unhein aata hai taqdeer banana Aye azim-e-Taiba! main talabgar-e-dua hoon Kehna ke nadamat ise isiyan pe badi hai Dehleez pe maut aa ke shaha iske khadi hai Tum naz’a mein deedar ka jaam isko pilana Aye azim-e-Taiba! main talabgar-e-dua hoon Kehta tha Karachi mein nahin mujhko hai marna Ro ro ke guzarish tu yeh Sarkar se karna Sultan-e-Madina ise qadmon mein sulana Aye azim-e-Taiba! main talabgar-e-dua hoon Tu Dawat-e-Islami ke haq mein yeh dua de Islam ka danka yeh zamane mein baja de Farmayein karam us pe shehenshah-e-zamana Ae azim-e-Taiba! main talabgar-e-dua hoon Jab gumbad-e-khazra ko nazar jhoom ke choome Aajaye tujhe wajd tu be-sakhta jhoome Kehna: kahein, Attar hamara hai deewana Ae azim-e-Taiba! main talabgar-e-dua hoon