Tajalli-e-Noor-e-Qadam Ghaus-e-Azam
Ziya-e-Sirajul-Zulam Ghaus-e-Azam
Tarahl hai tera haram Ghaus-e-Azam
Arab tera tera Ajam Ghaus-e-Azam
Karam aap ka hai a'am Ghaus-e-Azam
Inayat tumhari atam Ghaus-e-Azam
Mukhalif hoon go sowidam Ghaus-e-Azam
Hamein kuch nahin is ka gham Ghaus-e-Azam
Chala aisi tegh-e-do-dam Ghaus-e-Azam
Ke a'ada ke sar hon qalam Ghaus-e-Azam
Woh ek waar ka bhi na hoga tumhare
Kahan hai mukhalif mein dam Ghaus-e-Azam
Tere hote hum par sitam dhayen dushman
Sitam hai sitam hai sitam Ghaus-e-Azam
Kahan tak sunen hum mukhalif ke ta'ane
Kahan tak sahein hum sitam Ghaus-e-Azam
Barhe hosle dushmanon ke ghata de
Zara le le tegh-e-do-dam Ghaus-e-Azam
Nahin lata khatir mein shahon ko shaha
Tera banda-e-be-diram Ghaus-e-Azam
Karam chahiye tera tere Khuda ka
Karam Ghaus-e-Azam karam Ghaus-e-Azam
Ghata hosla gham ki kali ghata ka
Barhi hai ghata dam-ba-dam Ghaus-e-Azam
Barha nakhuda sar se pani alam ka
Khabar lije doobe hum Ghaus-e-Azam
Karo pani gham ko baha do alam ko
Ghatayen barhein ho karam Ghaus-e-Azam
Nazar Aaye Mujh Ko Na Surat Alam Ki
Na Dekhoon Kabhi Rooye Gham Ghaus-e-Azam
Barha Haath Kar Dastgeeri Hamari
Barha Abr-e-Gham Dam-ba-dam Ghaus-e-Azam
Khudara Zara Haath Seene Pe Rakh Do
Abhi Mit-te Hain Gham-e-Alam Ghaus-e-Azam
Khuda Ne Tumhein Mahv-o-Isbat Bakhsha
Ho Sultan-e-Lauh-o-Qalam Ghaus-e-Azam
Hai Qismat Meri Teerhi Tum Seedhi Kar Do
Nikal Jayein Sab Pech-o-Kham Ghaus-e-Azam
Khabar Lo Hamari Ke Hum Hain Tumhare
Karo Hum Pe Fazl-o-Karam Ghaus-e-Azam
Tum Aise Ghareebon Ke Faryad Ras Ho
Ke Thehra Tumhara Alam Ghaus-e-Azam
Bi-Aini Inayat Ba-Chashm-e-Karamat
Badah Jur'ah Na-Chashm Ghaus-e-Azam
Tera Ek Qatra Awalim Numa Hai
Nahi Chahiye Jam-e-Jam Ghaus-e-Azam
Kuch Aisa Guma De Mohabbat Mein Apni
Ke Khud Keh Uthoon Mein Manam Ghaus-e-Azam
Jise Chahe Jo De Jise Chahe Na De
Tere Haath Mein Hai Ni'am Ghaus-e-Azam
Tera Husn-e-Namkeen Bhare Zakhm-e-Dil Ke
Banah Marham-e-Rukh Dilam Ghaus-e-Azam
Taraqqi Kare Roz-o-Shab Dard-e-Ulfat
Na Ho Qalb Ka Dard Kam Ghaus-e-Azam
Khuda Rakhe Tum Ko Hamare Saron Par
Hai Bas Ik Tumhara Hi Dam Ghaus-e-Azam
Dam-e-Naz'a Sarhane Aaja'o Pyaare
Tumhein Dekh Kar Nikle Dam Ghaus-e-Azam
Teri Deed Ke Shauq Mein Jaan-e-Janan
Khinch Aaya Hai Aankhon Mein Dam Ghaus-e-Azam
Koi Dam Ke Mehmaan Hain Aaja'o Us Dam
Ke Seene Mein Atka Hai Dam Ghaus-e-Azam
Dam-e-Naz'a Aa'o Ke Dam Aaye Dam Mein
Karo Hum Pe Yas Dam Ghaus-e-Azam
Yeh Dil Yeh Jigar Hai Yeh Aankhein Yeh Sar Hai
Jahan Chaaho Rakho Qadam Ghaus-e-Azam
Sar-e-Khud Ba-Shamshir-e-Abru Furosham
Ba-Mizhgaan Tu Seena Um Ghaus-e-Azam
Ba-Paikan-e-Teerat Jigari Furosham
Ba-Teer-e-Nigaahat Dilam Ghaus-e-Azam
Dimagh rasad bar sar-e-arsh-e-aala
Bapayeet agar sar naham Ghous-e-Azam
Meri sar-bulandi yaheen se hai zahir
Ke shud zer-e-payeet saram Ghous-e-Azam
Laga lo mere sar ko qadmon se apne
Tumhein sar-e-haq ki qasam Ghous-e-Azam
Qadam kyun liya Auliya ne saron par
Tumhein jaano is ke Hakam Ghous-e-Azam
Kya faisla haq o batil mein tum ne
Kiya haq ne tum ko Hakam Ghous-e-Azam
Tumhari mehak se gali kooche mehke
Hai Baghdad rashk-e-Iram Ghous-e-Azam
Karam se kiya reh-numa reh-zanon ko
Idhar bhi nigah-e-karam Ghous-e-Azam
Mera nafs-e-sarkash bhi rehzan hai mera
Yeh deta hai dam dam-ba-dam Ghous-e-Azam
Dikha de to inni uzoom ke jalway
Suna de sada-e-manam Ghous-e-Azam
Mere dam ko us ke damon se bacha de
Karam kar karam kar karam Ghous-e-Azam
Main hoon natwan sakht kamzor had ka
Hein zoron charhay is ke dam Ghous-e-Azam
Na palla ho halka hamara na hum hon
Na bigray hamara bharam Ghous-e-Azam
Kahan tak hamari khatayen ginen ge
Karein afu sab yak-qalam Ghous-e-Azam
Hamari khataon se daftar bharay hain
Karam kar ke hon kal-adam Ghous-e-Azam
Tumhare karam ka hai Noori bhi pyasa
Milay yam se is ko bhi nam Ghous-e-Azam