Tere dar se mangton ka guzara ya Muhammad Shah

ترے در سے منگتوں کا گزارا یا محمد شاہ یہ سُن کر میں نے بھی دامن پسارا یا محمد شاہ مری قسمت کا چمکا دو ستارہ یا محمد شاہ دکھا دو اپنا چہرہ پیارا پیارا یا محمد شاہ گناہوں کے مَرَض نے نیم جاں ہے کر دیا مجھ کو تمہیں آکر کرو اب کوئی چارہ یا محمد شاہ غمِ شاہِ مدینہ مجھ کو تم ایسا عطا کر دو جگر ٹکڑے ہو دل بھی پارہ پارہ یا محمد شاہ ہوئی جاتی ہے اُجڑ اب مری اُمید کی کھیتی بھرن برسا دو رَحمت کی خدایا محمد شاہ مرے دولہا مرے اُجڑے گلستاں میں بہار آئے خزاں کا رُخ پھرا دو اب خدارا یا محمد شاہ مدینے کا بنا دو ایسا دیوانہ مجھے دولہا پھروں دیوانگی میں مارا مارا یا محمد شاہ گرجتے بادلوں کا شور چلتی آندھیوں کا زور لرزتا ہے کلیجا دو سہارا یا محمد شاہ مری کشتی بھنور میں پھنس گئی ہے ہائے بربادی میں ڈوبا تم بچا لو اب خدارا یا محمد شاہ بچالو دشمنوں کے وار سے للہ میں نے ہے بڑی امید سے تم کو پکارا یا محمد شاہ شہات خیرات لینے کو سلاطین زمانہ نے ترے دربار میں دامن پسارا یا محمد شاہ سدھارو میرے دولہا مجھ نکمے اور بگڑے کو نہ جانے تم نے کتنوں کو سدھارا یا محمد شاہ خدا کے خوف سے روئے نبی کے عشق میں روئے عطا کر دو وہ چشمِ تر خدارا یا محمد شاہ اگر چہ لاکھ پاپیا ہے مگر عطار کس کا ہے تمہارا ہے تمہارا ہے تمہارا یا محمد شاہ