Tum ho hasrat nikalne wale
Namuradon ke palne wale
Mere dushman ko gham ho bigdi ka
Aap hain jab sambhalne wale
Tum se munh mangi aas milti hai
Aur hote hain talne wale
Lab-e-jaan bakhsh se jala dil ko
Jaan murday mein dalne wale
Dast-e-aqdas bujha de pyaas meri
Mere chashmay ubalne wale
Hain tere aastan ke khaak nasheen
Takht par khaak dalne wale
Roz-e-mehshar bana de baat meri
Dhali bigdi sambhalne wale
Bheek de bheek apne mangta ko
Aye ghareebon ke palne wale
Khatm kar di hai un pe mauzoni
Wah sanche mein dhalne wale
Un ka bachpan bhi hai jahan parwar
Ke woh jab thay palne wale
Paar kar nao hum ghareebon ki
Doobton ko nikalne wale
Khaak-e-Taiba mein be-nishan ho ja
Are aao naam uchalne wale
Kaam ke hoon ke hum thakay hon
Woh sabhi ke hain palne wale
Zang se paak saaf kar dil ko
Andhay sheeshay ujalne wale
Khaar-e-gham ka Hassan ko khatka hai
Dil se kanta nikalne wale
Na abhi arsa-e-mahshar na hisab-e-ummat
Aaj hi se hai kamar basta himayat teri
Tu kuch aisa hai ke mahshar ki museebat wale
Dard dukh bhool gaye dekh ke surat teri
Tobiyan thaam ke gar arsh-e-bareen par dekhein
Unche unchon ko nazar aaye na rifat teri
Husn hai jis ka namak-khwar wo aalam tera
Jis ko Allah kare pyaar wo surat teri
Donon aalam ke sab armaan nikale tu ne
Nikli is shaan-e-karam par bhi na hasrat teri
Chain payenge tadapte hue dil mahshar mein
Gham kise yaad rahe dekh ke surat teri
Ham ne mana ke gunahon ki nahi had lekin
Tu hai un ka to husn-e-tera hai jannat teri