Tum zaat-e-khuda se na juda ho na khuda ho
Allah ko maloom hai kya janiye kya ho
Yeh kyun kahun mujh ko yeh ata ho yeh ata ho
Woh do ke hamesha mere ghar bhar ka bhala ho
Jis baat mein mashhoor jahan hai lab-e-isa
Ae jaan-e-jahan woh teri thokar se ada ho
Toote hue dam josh pe toofan-e-maasi
Daman na mile un ka to kya janiye kya ho
Yun jhuk ke mile hum se kamino se woh jis ko
Allah ne apne hi liye khaas kiya ho
Mitti na ho barbad pas-e-marg-e-ilahi
Jab khaak ude meri madina ki hawa ho
Mangta to hai mangta koi shahon mein dikha de
Jis ko mere sarkar se tukda na mila ho
Qudrat ne azal mein yeh likha un ki jabeen par
Jo un ki raza ho wohi khaliq ki raza ho
Har waqt karam banda nawazi pe tula hai
Kuch kaam nahi is se bura ho ke bhala ho
So ja se gunahgar ka ho rakht-e-amal chaak
Parda na khule gar tere daman se bandha ho
Abrar-e-nekokar ke hain khuda ke
Un ka hai woh un ka hai jo bad ho jo bura ho
Ae nafs unhein ranj diya apni badi se
Kya qahar kiya tu ne are tera bura ho
Allah yun hi umr guzar jaye gada ki
Sar kham ho dar-e-paak par aur haath utha ho
Shabash Hasan aur chamakti si ghazal padh
Dil khol kar aina-e-imaan ki jala ho