Wasf-e-Rukh Un Ka Kya Karte Hain Sharh-e-Wadduha Karte Hain
Un Ki Hum Madh-o-Sana Karte Hain Jin Ko Mahmood Kaha Karte Hain
Maah-e-Gashta Ki Surat Dekho Kaanp Kar Mehr Ki Rajat Dekho
Mustafa Pyare Ki Qudrat Dekho Kaise Aijaz Hua Karte Hain
Tu Hai Khursheed-e-Risalat Pyare Chup Gaye Teri Zia Mein Tare
Anbiya Aur Hain Sab Mah-pare Tujh Se Hi Noor Liya Karte Hain
Ae Bala-e-Be-Khirad-e-Kuffar Rakhte Hain Aise Ke Haq Mein Inkar
Ke Gawahi Ho Gar Us Ko Darkar Be-Zuban Bol Utha Karte Hain
Apne Maula Ki Hai Bas Shan-e-Azeem Janwar Bhi Karein Jin Ki Tazeem
Sang Karte Hain Adab Se Tasleem Peer Sajde Mein Gira Karte Hain
Raf'at-e-Zikr Hai Tera Hissa Donon Aalam Mein Hai Tera Charcha
Murgh-e-Firdous Pas-e-Ahmad-e-Khuda Teri Hi Madh-o-Sana Karte Hain
Ungliyan Payein Woh Pyari Pyari Jin Se Darya-e-Karam Hain Jari
Josh Par Aati Hai Jab Gham Khwari Tishna Seerab Hua Karte Hain
Han Yahin Karti Hain Chiriyan Faryad Han Yahin Chahti Hai Hirni Daad
Isi Dar Par Shutran-e-Nashad Gila-e-Ranj-o-Ana Karte Hain
Aasteen-e-Rahmat-e-Aalam Ulat-e-Kamar-e-Pak Pe Daman Bandhay
Girne Walon Ko Chah-e-Dozakh Se Saaf Alag Kheench Liya Karte Hain
Jab Saba Aati Hai Taiba Se Idhar Khilkhila Padti Hain Kaliyan Yaksar
Phool Jama Se Nikal Kar Bahar Rukh-e-Rangin Ki Sana Karte Hain
Tu Hai Woh Badshah-e-Kon-o-Makan Ke Mulk-e-Haft Falak Ke Har Aan
Tere Maula Se Shah-e-Arsh-e-Aiwan Teri Daulat Ki Dua Karte Hain
Jis Ke Jalwe Se Uhud Hai Taban Ma'dan-e-Noor Hai Us Ka Daman
Hum Bhi Us Chand Pe Ho Kar Qurban Dil-e-Sangin Ki Jila Karte Hain
Kyon Na Zeba Ho Tujhe Tajwari Tere Hi Dam Ki Hai Sab Jalwa Gari
Malak-o-Jin-o-Bashar-o-Hoor-o-Pari Sab Tujh Pe Fida Karte Hain
Toot Padti Hain Balayen Jin Par Jin Ko Milta Nahin Koi Yawar
Har Taraf Se Woh Pur-Arman Phir Un Ke Daman Mein Chupa Karte Hain
Lab Par Aa Jata Hai Jab Naam-e-Janab Munh Mein Ghul Jata Hai Shahd-e-Nayab
Wajd Mein Ho Ke Hum Ae Jaan Betab Apne Lab Choom Liya Karte Hain
Lab Pe Kis Munh Se Gham-e-Ulfat Layen Kya Bala Dil Hai Alam Jis Ka Sunayen
Hum To Un Ke Kaf-e-Pa Par Mit Jayen Un Ke Dar Par Jo Mita Karte Hain
Apne Dil Ka Hai Unhein Se Aaram Sone Hain Apne Unhein Ko Sab Kaam
Lagi Hai Ke Ab Is Dar Ke Ghulam Chara-e-Dard-e-Raza Karte Hain