Talab ka munh to kis qabil hai ya Ghaus
Magar tera karam kamil hai ya Ghaus
Duhai ya Muhyiddini duhai
Bala Islam par nazil hai ya Ghaus
Woh sangin bid'atein woh tezi-e-kufr
Ke sar par tegh-e-salsal hai ya Ghaus
Azuman qatilan indal qital
Madad ko aa dam-e-basmil hai ya Ghaus
Khuda ra nakhuda aa de sahara
Hawa bhanwar hail hai ya Ghaus
Jala de deen jala de kufr-o-ilhad
Ke tu Muhyi hai tu qatil hai ya Ghaus
Tara waqt aur pade yun deen par waqt
Na tu aajiz na tu ghafil hai ya Ghaus
Rahi haan shamat-e-a'maal yeh bhi
Jo tu chahe abhi zail hai ya Ghaus
Ghayoor! Apni ghairat ka tasadduq
Wahi kar jo tere qabil hai ya Ghaus
Khuda ra marham-e-khak-e-qadam de
Jigar zakhmi hai dil ghayal hai ya Ghaus
Na dekhun shakl-e-mushkil tere aage
Koi mushkil si yeh mushkil hai ya Ghaus
Woh ghera rishta-e-shirk-e-khafi ne
Phansa zunnar mein yeh dil hai ya Ghaus
Ke tarsa-o-gabr-o-aqtab-o-abdal
Yeh mahz Islam ka sail hai ya Ghaus
Tu quwwat de main tanha kaam basyar
Badan kamzor dil kahil hai ya Ghaus
Addu-e-bad-mazhab wale hasid
Tu hi tanha ka zor-e-dil hai ya Ghaus
Hasad se unke seene pak kar de
Ke badtar diq se bhi yeh sil hai ya Ghaus
Ghiza-e-diq yehi khoon ustakhwan gosht
Yeh aatish-e-deen ki aakil hai ya Ghaus
Diya mujh ko unhein mehroom choda
Mira kya jurm haq fasil hai ya Ghaus
Khuda se lein ladai woh hai Mu'ti
Nabi Qasim hai tu Musil hai ya Ghaus
Atayein Muqtadir Ghaffar ki hain
Abas bandon ke dil mein ghul hai ya Ghaus
Tere baba ka phir tera karam hai
Yeh munh warna kisi qabil hai ya Ghaus
Bharan wale tera jhala to jhala
Tera cheenta mira ghasil hai ya Ghaus
Sana maqsood hai arz-e-gharz kya
Gharz ka aap to kafil hai ya Ghaus
Raza ka khatima bilkhair hoga
Teri rehmat agar shamil hai ya Ghaus