Jo tera tifl hai kaamil hai ya Ghous
Tufail ka laqab waasil hai ya Ghous
Tasawwuf tere maktab ka sabaq hai
Tasarrruf par tera aamil hai ya Ghous
Teri sair ilal-lah hi hai fil-lah
Ke ghar se chalte hi moos'il hai ya Ghous
Tu noor-e-awwal o aakhir hai Maula
Tu khair-e-aajil o aajil hai ya Ghous
Malak ke kuch bashar kuch jin ke hain peer
Tu sheikh-e-aali o saafil hai ya Ghous
Kitaab-e-har dil-e-aasar-e-ta'arruf
Tere daftar hi se naaqil hai ya Ghous
Futuh-ul-Ghaib agar roshan na farmaye
Futuh-aat-o-Fususs aafil hai ya Ghaus
Tira mansub hai marfu' is ja
Izaafat rafa' ki aamil hai ya Ghaus
Tere kaami mushaqqat se bari hain
Ke bartar nasb se fa'il hai ya Ghaus
Ahad se Ahmad aur Ahmad se tujh ko
Gun aur sab gun magan haasil hai ya Ghaus
Teri izzat teri rif'at tera fazl
Bafazlihi afzal-o-faazil hai ya Ghaus
Tere jalway ke aage mantiqa se
Mah-o-khor par khat-e-baatil hai ya Ghaus
Siyaahi mail us ki chandni aayi
Qamar ka yun falak mail hai ya Ghaus
Talaye-mehar hai thaksaan baahar
Ke khaarij markaz-e-haamil hai ya Ghaus
Tu barzakh hai barang-e-nun-e-mi'at
Do jaanib muttasil waasil hai ya Ghaus
Nabi se akhz aur ummat pe faaiz
Udhar qaabil idhar fa'il hai ya Ghaus
Nateeja hadd-e-ausat gar ke de aur
Yahan jab tak na tu shaamil hai ya Ghaus
Ala Tubaa lakum hai woh ke jin ka
Shabaana roz wird-e-dil hai ya Ghaus
Ajam kya Arab kya jal kya Haram mein
Jami har ja teri mehfil hai ya Ghaus
Hai sharh-e-ism-ul-Qadir tera naam
Yeh sharh us matan ki haamil hai ya Ghaus
Jabeen jubba-farsaayi ka sandal
Teri deewar ki gehgal hai ya Ghaus
Baja laya woh amr-e-saari'u ko
Tari jaanib jo musta'jil hai ya Ghaus
Teri qudrat to miryaat se hai
Ke Qadir naam mein daakhil hai ya Ghaus
Tasarrul-wale sab mazhar hain tere
Tu hi is parday mein fa'il hai ya Ghaus
Raza ke kaam aur ruk jayen haasha
Tera saail hai to baazil hai ya Ghaus