Ya Ilahi! Dua hai gada ki mere Mola tu khairat dede

Ya Ilahi! Dua hai gada ki mere Mola tu khairat dede Jalwa-e-sarwar-e-Ambiya ki mere Mola tu khairat dede Sabz gumbad ki mehki faza ki deed-e-darbar-e-Khairul Wara ki Bagh-e-Tayyaba ki thandi hawa ki mere Mola tu khairat dede Bheek de ulfat-e-Mustafa ki sab sahaba ki Aal-e-Aba ki Ghaus o Khwaja ki Ahmad Raza ki mere Mola tu khairat dede Koi Hajj ka sabab ab banade mujh ko Kaba ka jalwa dikhade Deed-e-Arafat o deed-e-Mina ki mere Mola tu khairat dede De Madine ki mujh ko gadai ho ata do jahan ki bhalai Hai sada aajiz o be-nawa ki mere Mola tu khairat dede Hazri ke liye jo bhi tarpe sabz gumbad ka deedar karle Us ko Tayyaba ki mehki faza ki mere Mola tu khairat dede Azim-e-rah-e-Baghdad karde jalwa-e-Ghaus se shad karde Mujh ko deedar-e-Karb o Bala ki mere Mola tu khairat dede Har dam Iblees peeche laga hai hifz-e-iman ki iltija hai Ho karam aman-e-roz-e-jaza ki mere Mola tu khairat dede Maghfirat kar baroz-e-Qayamat tu karam kar ata kar inayat Khuld mein qurb-e-Khairul Wara ki mere Mola tu khairat dede Barah mah ke musafir bane hain ya jo waqf-e-Madina huye hain Un ko ishq-e-shah-e-do sara ki mere Mola tu khairat dede Woh bechare ke bimaar hain jo jinn o jadu se bezar hain jo Apni rehmat se un ko shifa ki mere Mola tu khairat dede Woh ke aafaat mein mubtala hain jo giriftar-e-ranj o bala hain Fazl se un ko sabr o raza ki mere Mola tu khairat dede La dawa keh chuke sab tabeeb ab dam labon par hai Rab-e-Mujeeb ab Jalwa-e-shah-e-arz o sama ki mere Mola tu khairat dede Qabr tere karam se banegi bagh, rehmat ki chadar tanegi Roz-e-mehshar bhi lutf o ata ki mere Mola tu khairat dede Rooh, Attar ki jab juda ho samne jalwa-e-Mustafa ho Un ke qadmon mein us ko qaza ki mere Mola tu khairat dede