Ya Ilahi Har Jagah Teri Ataa Ka Saath Ho

Ya Ilahi har jagah teri ataa ka saath ho Jab pade mushkil shah-e-mushkil kusha ka saath ho Ya Ilahi bhool jaun naz'a ki takleef ko Shadi-e-deedar-e-husn-e-Mustafa ka saath ho Ya Ilahi gor-e-teera ki jab aaye sakht raat Unke pyare munh ki subh-e-jaan faza ka saath ho Ya Ilahi jab pade mehshar mein shor-e-darogir Aman dene wale pyare peshwa ka saath ho Ya Ilahi jab zabanein bahar aayen pyaas se Sahib-e-Kausar shah-e-jood-o-ataa ka saath ho Ya Ilahi sard mehri par ho jab khursheed-e-hashr Sayyid-e-be-saya ke zill-e-liwa ka saath ho Ya Ilahi garmi-e-mehshar se jab bhadkein badan Daman-e-mehboob ki thandi hawa ka saath ho Ya Ilahi nama-e-aamal jab ghulne lagen Aib poshe khalq sattar-e-khata ka saath ho Ya Ilahi jab aankhen hisab-e-jurm mein Un tabassum rez honton ki dua ka saath ho Ya Ilahi jab hisab-e-khanda-e-beja rulaye Chashm-e-giryan-e-shafee-e-murtaja ka saath ho Ya Ilahi rang layein jab meri bebakiyan Un ki neechi neechi nazron ki haya ka saath ho Ya Ilahi jab chaloon tareek rah-e-pul-e-sirat Aftab-e-hashmi noor-ul-huda ka saath ho Ya Ilahi jab sar-e-shamshir par chalna pade Rab-e-sallim kehne wale ghamzada ka saath ho Ya Ilahi jo dua-e-nek mein tujh se karoon Qudsiyon ke lab se aameen Rabbana ka saath ho Ya Ilahi jab Raza khwab-e-garan se sar uthaye Daulat-e-bedar-e-ishq-e-Mustafa ka saath ho