یا خدا حج پہ بلا آکے میں کعبہ دیکھوں

یا خدا! حج پہ بُلا آکے میں کعبہ دیکھوں کاش! اِک بار میں پھر میٹھا مدینہ دیکھوں پھر میسّر مجھے کاش! وُقُوفِ عَرَفَات جلوہ میں مُزدِلفہ اور مِنیٰ کا دیکھوں جھوم کر خوب کروں خانہ کعبہ کا طواف پھر مدینے کو چلوں گُنبدِ خَضرا دیکھوں سبز گُنبد کا حسیں جلوہ دکھا دے یارب! مسجدِ نبوی کا پُر نور منارہ دیکھوں روضہ پاک کے سائے میں بُلا کر آقا آنکھ دے دیجئے میں آپ کا جلوہ دیکھوں چوم لوں کاش! نگاہوں سے سُنہری جالی اشکبار آنکھ سے مَنبر کا بھی جلوہ دیکھوں کاش! وہ آنکھ عطا ہو میں مدینے آکر جس طرف جاؤں اُدھر نور برستا دیکھوں جامِ عشق ایسا پلا دیجئے جانِ عالم ہر گھڑی آہیں بھروں خود کو تڑپتا دیکھوں چشمِ تر سوزِ جگر دیجئے قلبِ مُضطَر عشق میں روتا رہوں جب بھی روضہ دیکھوں سوزِ عشق میں جلتا ہی رہوں میں ہر دم آنکھ سے غم میں ترے خون برستا دیکھوں اُس پہ رشک آتا ہے اور پیار بہت آتا ہے عشق میں تیرے جسے روتا بلکتا دیکھوں کاش! میں رونے لگوں قلب بھی ہو میرا اُداس جب مدینے کی طرف قافلہ جاتا دیکھوں زائرؤ! کہنا یہ رو رو کے شہا! اِک مسکین کہہ رہا تھا یہ تڑپ کر: ”میں مدینہ دیکھوں“ تُو جو چاہے تو مری آنکھ سے پردے اُٹھیں میں وطن سے بھی مدینے کا نظارہ دیکھوں وہ کھلاتے ہیں پلاتے ہیں نبھاتے بھی ہیں کیوں کہیں جاؤں کسی اور طرف کیا دیکھوں اپنی رَحمت سے مجھے کر دو عطا ایسی بہار مُنھ کبھی بھی نہ دُعواں کا مرے آقا! دیکھوں تیرے احسان کروڑوں ہیں یہ بھی احسان یا خدا! نزع میں جلوہ میں نبی کا دیکھوں باغِ جنت میں جو آؤ اپنا عطا فرما دو خُلد میں ہر گھڑی جلوہ میں تمہارا دیکھوں دوڑ کر قدموں میں عطار کروں اُس دم حشر میں جس گھڑی سرکار کو آتا دیکھوں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ مرا دل مدینہ