Ya Nabi! Bas Madine ka gham chahiye, kuch nahi aur Rab ki qasam chahiye
Mera seena madina bana dijiye, chaak-e-qalb-o-jigar chashm-e-nam chahiye
Bas Madine ki yaadon mein khoya rahoon, fikr aisi Shah-e-Mohtaram chahiye
Yad mein teri rota tarapta rahoon, aisa gham Tajdar-e-Haram chahiye
Taj-e-shahi na do, badshahi na do, bas tumhari nigah-e-karam chahiye
Mere jeene ka saman hai bas yahi, tera lutf-o-karam dam-ba-dam chahiye
Aatish-e-shauq Aaqa bharkti rahe, mujh ko gham Ya Nabi tera gham chahiye
Jaan ba lab ke sarhanay ab aajaiye, jam-e-deedar-e-Shah-e-Haram chahiye
Tere qadmon mein maut aye Habib-e-Khuda! Aye Shehenshah-e-Arab-o-Ajam chahiye
Deed-e-Aaqa Baqi mubarak mujhe, kuch nahi aur Shah-e-Mohtaram chahiye
Maghfirat ki tumhare karam se mujhe, ab sanad ya Shafee-e-Umam chahiye
Saaray deewanay Aaqa Madine chalein, izn-e-Taiba ka Shah-e-Umam chahiye
Tera sarkar hoon garche badkar hoon, teri rahmat mujhe har qadam chahiye
Chorein aadat bad bhaiyo! maut ki, yaad har aan aur dam-ba-dam chahiye
Jo bhi Sarkar parh le hamara kalam, woh tarap uthay aisa qalam chahiye
Gar woh farmayein Attar mango bhala!
Mai kahoon ga: "Madine ka gham chahiye"