Ya Rasool Allah! Mujrim Hazir-e-Darbar Hai
Nekiyan Palle Nahi Sar Pur-Gunah Ka Bar Hai
Nama-e-Aamaal Mein Koi Nahi Husn-e-Amal
Paas Daulat Nekiyon Ki Kuch Nahi Nadar Hai
Tum Shah-e-Abrar Yeh Sab Se Bara Asiyan Sha'ar
Yun Shafa'at Ka Hi Sab Se Bara Haqdar Hai
Kardo Mala Maal Aqa Daulat-e-Akhlaq Se
Khulq Ki Daulat Se Yeh Mehroom-o-Badguftar Hai
Is Ki Aankhen Pak Kar Ke Jalwa-e-Zeba Dikha
Ek Muddat Se Yeh Tera Talib-e-Deedar Hai
Gunbad-e-Khazra Pe Aqa Jaan Meri Qurban Ho
Meri Derina Yehi Hasrat Shah-e-Abrar Hai
Muskurate Aao Aqa Aa Ke Kalma Bhi Parhao
Ho Karam Shah-e-Madina! Jaan-e-Lab Beemar Hai
Aafton Ne Gher Rakha Hai Shaha Har Samt Se
Multaji Chashm-e-Karam Ka Bekas-o-Nachar Hai
Jo Tere Dar Pe Jhuka Woh Sar-Bulandi Pa Gaya
Jo Akar Kar Reh Gaya Be-Shak Zaleel-o-Khuwar Hai
Dushmanon Ke Zulm Se Bhi Tajawuz Kar Gaye
Aap Se Faryad Maula Haidar-e-Karrar Hai
Qalb-e-Muztar Chashm-e-Tar Soz-e-Jigar Seena Tapan
Talib-e-Aah-o-Fughan Jaan-e-Bajan Attar Hai
Sab Gunahgar Ek Taraf Attar Akela Ek Taraf
Mujrimon Mein Muntakhab Mujram Yehi Attar Hai