Yaad-e-watan kya dasht-e-Haram se layi kyun
Baithe bithaye bad-naseeb sar pe bala uthayi kyun
Dil mein to chot thi dabi haye ghazab ubhar gayi
Poochho to aah-e-sard se thandi hawa chalayi kyun
Chhod ke us Haram ko aap ban mein thagon ke aabso
Phir kaho sar pe dhar ke haath lut gayi sab kamayi kyun
Baagh-e-Arab ka sarv-e-naaz dekh liya hai warna aaj
Qumri-e-jaan ghamzada goonj ke chhupayi kyun
Naam-e-Madina le diya chalne lagi naseem-e-khuld
Soz-e-gham ko hum ne bhi kaisi hawa batayi kyun
Kis ki nigah ki haya phirti hai meri aankh mein
Nargis-e-mast-e-naaz ne mujh se nazar churayi kyun
Tu ne to kar diya tabib-e-aatish-e-seena ka ilaaj
Aaj ke dood-e-aah mein bu-e-kabaab aayi kyun
Fikr-e-ma'ash-e-bad bala, hol-e-ma'ad jaan guza
Laakhon bala mein phansne ko rooh-e-badan mein aayi kyun
Ho na ho aaj kuch mera zikr-e-hazoor mein hua
Warna meri taraf khushi dekh ke muskurayi kyun
Hoor-e-jinaan sitam kiya Taiba nazar mein phir gaya
Chhed ke parda-e-Hijaz des ki cheez gayi kyun
Ghaflat-e-sheikh-o-shaab par hanste hain tifl-e-sheer khwar
Karne ko gudgudi abas aane lagi bahayi kyun
Arz karoon hazoor se dil ki to mere khair hai
Peetti sar ko aarzu dasht-e-haram se aayi kyun
Hasrat-e-nau ka saniha sunte hi dil bigad gaya
Aaise mareez ko Raza marg-e-jawan sunayi kyun