Zamanay ne zamanay mein sakhi aisa kahin dekha
Labon par jis ke saail ne nahi aate nahi dekha
Museebat mein jo kaam aaye gunahgaron ko bakhshaye
Woh ek fakhr-e-rusul Mehboob-e-Rabbul-Aalameen dekha
Banaya jis ne bigron ko sambhala jis ne girton ko
Woh hi hallal-e-mushkil Rahmatul-lil-Aalameen dekha
Woh haadi jis ne duniya ko Khuda wala bana dala
Dilon ne ko jis ne chamkaya Arab ka mah-jabeen dekha
Basey jo farsh par aur arsh tak is ki hukumat ho
Woh Sultan-e-Jahan Taiba ka ek naqa-nasheen dekha
Woh Aaqa jo ke khud khaye khajooren aur ghulamon ko
Khilaye na'matein duniya ki kab aisa kahin dekha
Bhala ae aalam si shay mukhfi rahe is chashm-e-haq-been se
Ke jis ne Khaliq-e-Aalam ko be-shak bil-yaqeen dekha
Muslamani ka dawa aur phir tauheen-e-Sarwar ki
Zamanay ne zamanay bhar mein kab aisa kahin dekha
Ho lab par ummati jis ke kahein jab Anbiya nafsi
Do aalam ne usay Salik Shafee-ul-Muznibeen dekha
(Notes)
1: Islam se pehle mulk-e-Arab akhlaqi aur tamadduni haisiyat se tamam duniya se zyada bigra hua tha, wahan ke bashinday insaniyat kho chuke thay, Aaqa-e-Do Jahan (Sallallahu Alaihi Wa Aalihi Wasallam) ne sirf 23 saal mein tamam mulk ki halat palat di, choron ko rehbar, but-paraston ko Khuda-parast aur haiwanon ko Khuda bana diya.
2: Aasman ka suraj sirf samnay wali cheez ko chamkata hai, magar Madina ke suraj ne har taraf aur har zamanay ke logon ko har tarah chamkaya.
1: Huzoor (Sallallahu Alaihi Wa Aalihi Wasallam) ki sakhawat ka yeh aalam ke ek sahabi ke khet mein lambi lakri paida hui woh Sarkar ki khidmat mein laye inaam mein ek lap bhar sona ata hua magar apni zindagi pak ka yeh haal ke Hazrat Aisha Siddiqa Razi Allahu Anha farmati hain ke hamaray ghar mein do do maah tak aag na jalti thi sirf paani aur khajooron par guzar thi.
2: Ghaibon ki ghaib Zaat-e-Ilahi hai ke Hazrat Musa Alaihi Salam tamannaye deedar farmadein toh farmaya jawe: Lan Tarani jab Huzoor (Sallallahu Alaihi Wa Aalihi Wasallam) ne Rab hi ko dekha toh aalam kya mukhfi rahe.
3: Diwan-e-Salik ke nuskho mein yeh misra yun hai: "Zamanay... zamana bhar mein kab aisa kahin dekha", fun-e-urooz ke aitbar se sahi misra yun ho sakta hai: "Zamanay ne zamana bhar"