Zameen-o-Zaman Tumhare Liye

زمین و زماں تمہارے لئے مکیں و مکاں تمہارے لئے چنیں و چناں تمہارے لئے بنے دو جہاں تمہارے لئے دہن میں زباں تمہارے لئے بدن میں ہے جاں تمہارے لئے ہم آئے یہاں تمہارے لئے اٹھیں بھی وہاں تمہارے لئے فرشتے خِدَم رسولِ حشم تمام اُمم غلامِ کرم وُجود و عدم حُدوت و قِدم جہاں میں عیاں تمہارے لئے کلیم و نجی مسیح و صفی خلیل و رضی رسول و نبی عتیق و وصی غنی و علی ثنا کی زباں تمہارے لئے اصالتِ کُل امامتِ کُل سیادتِ کُل امارتِ کُل حکومتِ کُل ولایتِ کُل یہاں کے کہاں تمہارے لئے تمہاری چمک تمہاری دمک تمہاری جھلک تمہاری مہک زمین و فلک سماک و سمک میں سکہ نشاں تمہارے لئے وہ گنزر نہاں یہ نورِ فشاں وہ گن سے عیاں یہ بزمِ فکاں یہ ہر تن و جاں یہ باغِ جناں یہ سارا سماں تمہارے لئے ظہورِ نہاں قیامِ جہاں رکوعِ مہاں سجودِ شہاں نیازیں یہاں نمازیں وہاں یہ کس کے لئے ہاں تمہارے لئے یہ شمس و قمر یہ شام و سحر یہ برگ و شجر یہ باغ و ثمر یہ تیغ و سپر یہ تاج و کمر یہ حکمِ رواں تمہارے لئے یہ فیض دیے وہ جود کیے کہ نام لئے زمانہ جیے جہاں نے لئے تمہارے دیے یہ اکرامیاں تمہارے لئے سحابِ کرم روانہ کیے کہ آبِ نِعَم زمانہ پیے جو رکھتے تھے ہم وہ چاکِ سیہ یہ ستر بدآں تمہارے لئے ثنا کا نشاں وہ نورِ فشاں کہ مہر و شاں بانہمہ شاں بسا یہ کشاں مواکبِ شاں یہ نام و نشاں تمہارے لئے عطائے اَرَب جلائے گرب فیوضِ عجب بغیرِ طلب یہ رحمتِ رب ہے کس کے سبب بربِ جہاں تمہارے لئے ذنوبِ فنا عیوبِ ہبا قلوبِ صفا خطوبِ روا یہ خوبِ عطا گروپُ زدا پئے دِل و جاں تمہارے لئے نہ جن و بشر کہ آٹھوں پہر ملائکہ در پہ بستہ کمر نہ جُبہ و سَر کہ قلب و جگر ہیں سجدہ گناں تمہارے لئے نہ روحِ امیں نہ عرشِ بریں نہ لوحِ مبیں کوئی بھی کہیں خبر ہی نہیں جو رمریں کھلیں ازل کی نہاں تمہارے لئے جناں میں چمن چمن میں سمن سمن میں پھبن پھبن میں دہن سزائے محن پہ ایسے مِعن یہ امن و اماں تمہارے لئے کمالِ مہاں جلالِ شہاں جمالِ جہاں میں تم ہو عیاں کہ سارے جہاں میں روزِ فکاں ظِلِ آئینہ ساں تمہارے لئے یہ طور گیا سپہر تو کیا کہ عرشِ علا بھی دور رہا جہت سے ورا وصالِ ملا یہ رفعتِ شاں تمہارے لئے خلیل ونجی، مسیح و صفی سبھی سے کہی کہیں بھی بنی یہ بے خبری کہ خلق پھری کہاں سے کہاں تمہارے لئے بِقَو ِ صدا یہ بندھا یہ سدرہ اٹھا وہ عرش جھکا صفوفِ سَما نے سجدہ کیا ہوئی جو اذاں تمہارے لئے یہ رحمتیں کہ کچی متیں نہ چھوڑیں لیتیں نہ اپنی گتیں قصور کریں اور ان سے بھریں قصورِ جناں تمہارے لئے فَنا بَدَرَت بَقا بَرَث ز ہر دو جہت بگذر سَرِث ہے مرکزیت تمہاری صفت کہ دونوں کماں تمہارے لئے اشارے سے چاند چیر دیا چھپے ہوئے خور کو پھیر لیا گئے ہوئے دن کو عصر کیا یہ تاب و تواں تمہارے لئے صبا وہ چلے کہ باغ پھلے وہ پھول کھلے کہ دن ہوں بھلے لوا کے تلے ثنا میں کھلے رضا کی زباں تمہارے لئے