Ae dil tu duroodon ki awwal tu saja daali
Phir ja ke Madina mein roze pe chadha daali
Kya nazr karoon tere darbar-e-muqaddas mein
Tauseef ke phoolon ki laya hoon shaha daali
Ahmad ko kya aaqa aur hum ko kya banda
Allah ne rehmat ki kya khoob bana daali
Bas jaye dimagh-e-jaan ushaaq ka khushbu se
La bagh-e-Madina se phoolon ki saba daali
Khursheed o qamar aise hote na kabhi roshan
Tu ne hi jhalak un mein ae noor-e-Khuda daali
Tum se na kahoon kyun kar tum chand Arab ke ho
Dekho to shab-e-gham ne kya mujh pe bala daali
Sharminda kiya mujh ko aage mere aaqa ke
Ae nafs-e-laeen tu ne mujh par ye bala daali