Afsos! Bohat door hoon Gulzar-e-Nabi se
Kaash aaye bulawa mujhe darbar-e-Nabi se
Ulfat hai mujhe gesu-e-khumdar-e-Nabi se
Abru o palak aankh se rukhsar-e-Nabi se
Pairahan o chadar se asa se mohabbat
Na'lain-e-shareefain se dastar-e-Nabi se
Busiri! mubarak ho tumhein bu-e-Yamani
Saughaat mili khoob hai darbar-e-Nabi se
Beemar! na mayoos ho tu husn-e-yaqeen rakh
Dam ja ke karale kisi beemar-e-Nabi se
Tu khwab mein Hasanain ke sadqe mein khudaya
Farma de musharraf mujhe deedar-e-Nabi se